అయితే మోహన్‌లాల్ తాజాగా నటించిన సినిమా దృశ్యం2. ఈ సినిమా మొదటి భాగం వచ్చిన ఏడు సంవత్సరాల తరువాత రెండవ భాగం వచ్చింది. ఈ సినిమా ప్రేక్షకులను ఎంతగానో ఆకట్టుకుంది. ఇందులో మోహన్‌లాల్ అద్భుతమైన నటనను కనబరిచారు. అయితే ఇటీవల ఓ ఇంటర్వ్యూలో పాల్గొన్న మోహన్ లాల్ తన గురించి ఎన్నో ఆసక్తికర విషయాలను తెలిపారు. ఇందులో భాగంగా తాను ఇప్పటి వరకు దాదాపు 340 సినిమాల్లో నటించానని కూడా చెప్పాడు. అయితే మలయాళంలో ఎన్నో రికార్డులు సృష్టించిన నటుడిగా మీరు ఎలా ఫీల్ అవుతున్నారని అడగడంతో.. ‘నేను ఎప్పుడూ సినిమా ఎంత విజయం సాధిస్తుందని ఆలోచించను. కథ బాగుంటే ప్రేక్షకులు తప్పకుండా ఆదరిస్తారు. ఆ విధంగానే నేను చేసిన సినిమాలు రికార్డులు సృష్టించాయ’ని చెప్పుకొచ్చారు. అంతేకాకుండా తాను ఎప్పుడు నటనను ఓ ఉద్యోగంలా అనుకోలేదని చెప్పాడు. ఎప్పుడైతే తనకు నటించడం ఓ ఉద్యోగంలా అనిపిస్తుందో ఆ క్షణం తాను నటించడం మానేస్తానని అన్నాడు.
అంతేకాకుండా తాను ప్రతి పాత్రను ఆ పాత్రలాగానే చేయాలని అనుకుంటానని, ఓ పాత్ర గురించి చదివినప్పుడు ఆ పాత్ర ఎలా ఉందనేది మనకు ఓ ఐడియా వస్తుందని, ఆ ప్రకారమే ప్రతి పాత్రలో నటిస్తానని అన్నారు. మన నటనపై మనతో కలిసి చేసేవారు కూడా ప్రభావం చూపుతారని, దృశ్యం2లో తనకు అటువంటి ఇబ్బంది లేదని, తన భార్యగా చేసిన మీనా అద్భుతంగా నటించారని, అదే విధంగా తన పిల్లలుగా చేసిన వాళ్ళ కూడా బాగా చేశారని చెప్పుకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి