ఇక ఈయన సినిమాల విషయానికి వస్తే.. నేషనల్ పిక్చర్స్ వారి పరాశక్తి ద్వారా చిత్ర రంగ ప్రవేశం చేసిన ఈయన చిత్ర నిర్మాణ సమయంలో ఎన్నో ఇబ్బందులను ఎదుర్కొని చివరికి మాజీ తమిళనాడు ముఖ్యమంత్రి కీర్తిశేషులు అన్నాదురై అండ తో సినిమా పూర్తి చేసి మహానటుడిగా ఇండస్ట్రీలో ఎదిగారు. స్త్రీ వేషం కూడా కట్టే ఈయన తన అందమైన హావభావాలతో నాటకంలో సీత పాత్రను కూడా అవలీలగా పోషించి ప్రేక్షకులను మెప్పించారు. 300కు పైగా చిత్రాలలో నటించిన శివాజీ గణేషన్ ను తెలుగు ప్రేక్షకులు ఆదరిస్తూ వచ్చారు. ఉమ్మడి మద్రాస్ రాష్ట్రంగా ఉన్నప్పుడు శివాజీ నటించిన చాలా చిత్రాలు ఆంధ్రాలో కూడా విడుదల అయ్యేవి.
ఇక తమిళంలో బిఆర్ పంతులు నిర్మించిన కర్ణన్ చిత్రంలో శివాజీ కర్ణుడు పాత్రలో, ఎన్టీఆర్ శ్రీకృష్ణుడిగా నటించారు ఇక ఆ చిత్రంలో శివాజీ నటన చూసి ఎన్టీఆర్ కూడా ఆశ్చర్యపోయారు అంటే ఇక ఆయన నటన ఎంత ఎలా ఉంటుందో అర్థం చేసుకోవచ్చు. ఇక అందుకే ఎన్టీఆర్ స్వీయ దర్శకత్వంలో రామకృష్ణ సినీ స్టూడియోస్ బ్యానర్ పై నిర్మించిన చాణుక్య చంద్రగుప్త సినిమాలో శివాజీ గణేషన్ అలెగ్జాండర్ గా నటించారు. డి రామానాయుడు ప్రేమ్ నగర్ చిత్రాన్ని తమిళంలో శివాజీని హీరోగా పెట్టి వసంత మాలిగై పేరుతో రీమేక్ చేసి తమిళ్ చిత్రంలో సంచలనం సృష్టించడం జరిగింది. దాసరి నారాయణరావు కూడా ఆయనతో సినిమాలు చేశారు.
