తన డ్యాన్సులతో, డైలీ యాక్టివిటీస్‌తో సోషల్ మీడియాలో యాక్టివ్‌గా ఉండే సితార పాపకు 'నాన్న కూచి' అనే నిక్ నేమ్ కూడా పెట్టేశారు మహేశ్ బాబు అభిమానులు. ఎందుకంటే ఆమె ఎక్కువగా మహేశ్ బాబుతో కలిసి ఉండే వివిధ యాక్టివిటీస్‌ను పంచుకుంటూ ఉంటుంది. మహేశ్ బాబుకు కూడా తన కూతురంటే మాటల్లో చెప్పలేనంత ప్రేమ, తన గారాలపట్టికి అన్ని విషయాల్లో సపోర్టుగా ఉంటాడు. ఇదిలా ఉండగా సితార ఘట్టమనేని గతంలో ఓ ప్రముఖ జ్యువెల్లరీ బ్రాండ్, అలాగే క్లాతింగ్ షో రూమ్‌కు సంబంధించి కమర్షియల్ యాడ్స్ కూడా చేసింది. మోడల్‌గా అందరినీ అలరించింది. ఆ ఫొటోస్, వీడియోస్ ఆమె షేర్ చేయగా ఎంతోమందిని అలరించాయి.సితార ఘట్టమనేని, మహేశ్ బాబుకు కలిసి ఉండే పలు ఫొటోలు, వీడియోలు తరచుగా ట్రెండ్ అవుతూ ఉంటాయి. ఇదిలా ఉండగా.. మరోసారి సితార పాప తన తండ్రి మహేశ్ బాబుతో కలిసి ఓ ఈవెంట్‌లో పాల్గొన్న వీడియో ఒకటి ప్రజెంట్ వైరల్ అవుతోంది. ఇందులో ఫొటోషూట్ సందర్భంగా సితారపాప తన తండ్రితో కలిసి కెమెరాకు ఫోజులు ఇచ్చింది. ఆ సందర్భంలో ఆమె తండ్రి పక్కన నిల్చొని, అతని మొహంలోకి ప్రేమగా చూస్తూ.. గుండెలపై తలవాల్చుతూ ముసి ముసి నవ్వుతుండగా, మహేశ్ బాబు కూడా అంతే క్యూట్‌గా, ప్రేమగా తన కూతురును చూస్తూ మురిసిపోతున్నాడు. ఈ దృశ్యం అభిమానులను, ప్రేక్షకులను ఎంతో ఆకట్టుకుంటుండగా.. పలువురు అభిమానులు 'సంతూర్ డ్యాడ్', 'సూపర్ స్టార్ డ్యాడ్ యొక్క ప్రిన్సెస్' అంటూ కూటెస్ట్ కామెంట్స్ చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి