తెలుగు ఫిలిం ఇండస్ట్రీ అంటే ముందుగా గుర్తొచ్చే నాలుగు పేర్లు – మెగాస్టార్ చిరంజీవి, నందమూరి బాలకృష్ణ, విక్టరీ వెంకటేష్, అక్కినేని నాగార్జున. ఈ నలుగురు లెజెండరీ హీరోలే ఈ ఇండస్ట్రీని ఈ స్థాయికి తీసుకొచ్చారు అనే విషయం ఎవరికీ కొత్తది కాదు. వీరిలో ప్రతి ఒక్కరు తమకంటూ ప్రత్యేకమైన ఇమేజ్‌ని సొంతం చేసుకున్నారు. అయితే, ఈ నలుగురిలో హీరో ఇమేజ్ ఉన్నా కూడా విలన్ షేడ్స్ పాత్రలు చేసి ప్రేక్షకులను ఆశ్చర్యపరిచిన వ్యక్తి ఒకరే, ఆయన అక్కినేని నాగార్జున.ఇప్పటికే నాగార్జున రెండు సార్లు నెగిటివ్ రోల్స్ చేసి తనలోని విభిన్న నటనను చూపించారు. ఒకటి రజనీకాంత్ హీరోగా నటించిన "కూలీ" సినిమాలో, మరొకటి ధనుష్ హీరోగా వచ్చిన "కుబేర" సినిమాలో. ఈ రెండు చిత్రాల్లోనూ ఆయన పోషించిన పాత్రలు ప్రత్యేక గుర్తింపు తెచ్చుకున్నాయి. అందుకే నాగార్జున ఎంత పెద్ద హీరో అయినా, ఏదైనా కొత్తదనాన్ని స్వీకరించడానికి వెనకాడరని అప్పట్లోనే ప్రూవ్ అయిపోయింది.
ఇప్పుడు తాజా సమాచారం ప్రకారం నాగార్జున మళ్లీ విలన్ షేడ్స్‌తో కూడిన ఒక శక్తివంతమైన పాత్రలో కనిపించబోతున్నారని వార్తలు వెలువడుతున్నాయి. ఈసారి ఆయన ఎదురుగా నటించబోతున్న హీరో మన తెలుగు ఇండస్ట్రీకి చెందిన టాప్ స్టార్ రామ్ చరణ్. సుకుమార్ దర్శకత్వంలో రామ్ చరణ్ హీరోగా ఓ భారీ పాన్ ఇండియా ప్రాజెక్ట్ రూపుదిద్దుకుంటోందని ఇప్పటికే తెలిసింది. ఇప్పుడు ఆ సినిమాలో నాగార్జున కీలకమైన నెగిటివ్ రోల్‌లో నటించబోతున్నారని వినిపిస్తున్న వార్త ఒక్కసారిగా సోషల్ మీడియాలో వైరల్ అవుతోంది. సుకుమార్ అంటే ఎప్పుడూ విభిన్నమైన కథలు, స్ట్రాంగ్ కేరెక్టరైజేషన్. ఆయన సినిమాల్లో హీరో మాత్రమే కాదు, విలన్ పాత్రకూ అంతే ప్రాముఖ్యత ఉంటుంది. అలాంటి సుకుమార్ సినిమా కోసం నాగార్జున విలన్ షేడ్స్‌లో కనిపించడం నిజంగా చాలా స్పెషల్‌గా మారనుంది. ఒక వైపు రామ్ చరణ్ పవర్‌ఫుల్ హీరోగా కనిపిస్తే, మరో వైపు నాగార్జున స్ట్రాంగ్ నెగిటివ్ షేడ్ రోల్‌లో కనబడటం ప్రేక్షకులకు కొత్త అనుభూతిని కలిగించబోతోంది.
ఇక ఈ వార్త బయటకురాగానే అభిమానుల్లో, సినీప్రియుల్లో భారీ చర్చలు మొదలయ్యాయి. నాగార్జున లాంటి స్టార్ హీరో విలన్ పాత్రలో కనిపించటం ఎప్పుడూ సెన్సేషన్ గానే మారుతుంది. అలాంటిది రామ్ చరణ్ – సుకుమార్ లాంటి కాంబినేషన్‌లో వస్తే ఎలా ఉంటుందో అనే ఆసక్తి అందరిలోనూ పెరిగిపోయింది. ఇప్పుడు సోషల్ మీడియాలో ఈ వార్త టాప్ ట్రెండ్ అవుతూ మరింత హడావుడి సృష్టిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి