ఇప్పుడు ఈ చిన్నారికి పెట్టిన పేరే సోషల్ మీడియాలో పెద్ద చర్చగా మారింది. నాగబాబు, వరుణ్ తేజ్ – లావణ్య దంపతులు తమ బిడ్డకు "వాయువ్ తేజ్" అనే పేరు పెట్టినట్లు అధికారికంగా ప్రకటించారు. ఆ సందర్భానికి సంబంధించిన ఫొటోలు కూడా షేర్ అవడంతో మెగా ఫ్యాన్స్ ఎమోషనల్‌గా రియాక్ట్ అవుతున్నారు. అయితే ఇందులో ఒక ఇంట్రెస్టింగ్ స్టోరీ ఉంది. "వాయువ్ తేజ్" అనే పేరు అసలే కొత్తది కాదు. గతంలో నాగబాబు తన కొడుకు వరుణ్ తేజ్ పుట్టినప్పుడు కూడా అదే పేరును అనుకోవడం జరిగిందట. జాతకం, నక్షత్రం ప్రకారం వరుణ్ తేజ్ కి "వాయు తేజ్" అని పెట్టాలని ఫిక్స్ అయ్యారట. కానీ కొన్ని కారణాల వల్ల ఆ పేరు కుదరకపోవడంతో, చివరికి "వరుణ్ తేజ్" అని నామకరణం చేశారట. అప్పట్లో కుదరకపోయిన ఆ పేరు ఇప్పుడు తిరిగి బయటకు వచ్చింది.
అదే "వాయువ్ తేజ్" . ఇప్పుడు వరుణ్ తేజ్ కొడుకుకే పెట్టడం నిజంగా ఒక విధి విశేషం అని ఫ్యాన్స్ చెబుతున్నారు. అంటే, ఒకప్పుడు వరుణ్ తేజ్ కి పెట్టాలి అనుకున్న పేరు, ఆయన వారసుడికి రావడం నిజంగా డెస్టినీ అని అంటున్నారు. దీంతో ఫ్యాన్స్ మరింత ఎమోషనల్ అవుతూ – “ఇదే మెగా వారసత్వం! ఇక నుంచి వాయువ్ తేజ్ మెగా ఫ్యామిలీ వారసుడు” అంటూ కామెంట్స్ చేస్తున్నారు. ఇలా వరుణ్ తేజ్ తన కొడుకుకి పెట్టిన పేరుతో, ఒకప్పుడు మిస్సైన కథ మళ్లీ పూర్తయినట్టే. నిజంగానే "విధి" అంటే ఇదే అని చెప్పక తప్పదు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి