దక్షిణ భారతదేశ సినీ పరిశ్రమలో ఇప్పుడు హోంబలే ఫిల్మ్స్ పేరు మారుమోగిపోతోంది. ఈ బ్యానర్ అంటేనే విజయానికి కేరాఫ్ అడ్రస్‌గా మారింది. కేవలం సినిమాలు తీయడమే కాదు, అవి బాక్సాఫీస్ వద్ద కాసుల వర్షం కురిపించడంలో హోంబలే నిర్మాతల వ్యూహం అద్భుతం అనే చెప్పాలి. ఈ బ్యానర్ నిర్మాణంలో వచ్చిన సినిమాల్లో మెజారిటీ చిత్రాలు ప్రేక్షకులను మెప్పించాయి, విమర్శకుల ప్రశంసలు అందుకున్నాయి, ముఖ్యంగా, నిర్మాతల జేబులు నింపాయి.
హోంబలే ఫిల్మ్స్ అంటేనే సినీ అభిమానులకు ముందుగా గుర్తొచ్చే చిత్రాలు కేజీఎఫ్1 మరియు కేజీఎఫ్2. ఈ రెండు సినిమాలు భారతీయ సినీ చరిత్రలో తమదైన ముద్ర వేశాయి. ముఖ్యంగా కేజీఎఫ్2 అయితే కలెక్షన్ల సునామీ సృష్టించింది. ఆ తర్వాత కన్నడ సంస్కృతి, పురాణాలను అద్భుతంగా మేళవించి తెరకెక్కించిన కాంతార దేశవ్యాప్తంగా సంచలనం సృష్టించింది. తక్కువ బడ్జెట్‌తో తెరకెక్కిన ఈ చిత్రం ఊహించని విజయం సాధించి, లాభాల పరంగా హోంబలే బ్యానర్‌కు అత్యంత ముఖ్యమైన చిత్రంగా నిలిచింది. ఇక, ఇటీవల విడుదలైన సలార్1 కూడా ప్రేక్షకులను విశేషంగా ఆకట్టుకుని, భారీ వసూళ్లను సాధించింది. ఇప్పుడు కాంతార చాప్టర్ 1 పై కూడా ప్రేక్షకుల్లో, ట్రేడ్ వర్గాల్లో భారీ అంచనాలు నెలకొన్నాయి.
ఇలా వరుస విజయాలు అందుకోవడంతో, సోషల్ మీడియా వేదికగా అనేకమంది నెటిజన్లు, సినీ అభిమానులు హోంబలే నిర్మాతలు నక్క తోక తొక్కినట్టున్నారు అంటూ తమ అభిప్రాయాలను వ్యక్తపరుస్తున్నారు. అదృష్టం ఉన్న మాట నిజమే అయినా, ప్రేక్షకుడి అభిరుచిని, నాణ్యమైన కంటెంట్‌ను అందించాలనే వారి నిబద్ధత, పక్కా వ్యాపార ప్రణాళిక కూడా ఈ విజయాలకు కారణాలుగా చెప్పుకోవచ్చు. ఏదేమైనా, ఇప్పుడు సౌత్ ఇండియన్ ఫిల్మ్ ఇండస్ట్రీలో హోంబలే ఫిల్మ్స్ ఒక ట్రెండ్‌సెట్టర్‌గా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి