క్షణక్షణంకూ మారిపోయే రాజకీయంలో పవన్ కు మాత్రం గేమ్ ఆడడం రావడం లేదు అన్న విమర్శ ఒకటి తరుచూ వినిపిస్తోంది.వర్గ శత్రువు కమ్మ సామాజిక వర్గం అని తేల్చాక, ఇక యుద్ధం అన్నది రెడ్డి సామాజిక వర్గంపై అని స్పష్టం అయిపోయింది. పోనీ అలా చూసుకున్నా పవన్ రెడ్ల ఓట్లను కాదనుకుంటున్నారా? అలా చూసుకుంటే జగన్ సామాజికవర్గంకు చెందిన మనుషులు జనసేనలో లేరా? లేదా వాళ్ల ఓట్లు అవసరం లేదనా? అధికారం దక్కించుకోవడం అన్నది ప్రథమావధి అని భావించినప్పుడు, అన్ని సామాజికవర్గాలనూ కలుపుకుని పోవాలి. వర్గ శత్రువు ఆకలి, పేదరికం అని కమ్యూనిస్టు పదాలు వాడి, వాటి వేడి పెంచి,మళ్లీ అదే ప్రసంగంలో ఓ ప్రధాన అగ్ర వర్ణాన్ని ఎలా కించపరుస్తారో అన్నది పవన్ కే తెలియాలి. ఒక వర్గాన్ని ఒక వర్ణాన్ని కించ పరి చి మాట్లాడడంతో పవన్ సాధించేది ఏమీ ఉండదు. అన్ని వర్గాలూ, వర్ణాలూ కలిసి ఉంటేనే సమాజం. కలిసి, కలిపి ఓటేస్తేనే గెలుపు.నాకు కులం కాదు ముఖ్యం గుణం అని చెబుతూనే వైసీపీ పెద్దలను సామాజికవర్గం పేరు పెట్టి మరీ! ఎందుకు తిడుతున్నారని? ఆయనెందుకు మళ్లీ మళ్లీ చంద్రబాబును నమ్ముకుంటున్నారని? ఇవే ఇప్పుడు తేలని ప్రశ్నలుగా మిగిలిపోతున్నాయి.
