మనం వంటల్లో ఉపయోగించే వాటిలో మెంతులు చాలా ముఖ్యమైనవి.ఇవి ఆరోగ్యానికి చాలా విధాలుగా మేలు చేస్తాయి.దాదాపు అన్ని వంటకాల్లో కూడా ఈ మెంతులను ఉపయోగిస్తారు. మెంతుల వల్ల కలిగే ఆరోగ్య ప్రయోజనాలు బోలెడు ఉన్నాయి. అలాగే ఎక్కువ తీసుకుంటే చాలా నష్టాలు కూడా ఉన్నాయి. అందుకే మెంతులను కేవలం మితంగా మాత్రమే తీసుకోవాలని ఆరోగ్య నిపుణులు చెబుతున్నారు.మెంతులు ఎక్కువగా తీసుకోవడం వల్ల కలిగే నష్టాలు గురించి ఇప్పుడు మనం పూర్తిగా తెలుసుకుందాం.ఇక మెంతులు ఎక్కువగా తీసుకోవడం వల్ల కడుపు సంబంధిత సమస్యలు వస్తాయి. దీని కారణంగా, గ్యాస్, అజీర్ణం ఎదుర్కోవలసి ఉంటుంది. మలబద్ధకం సమస్య కూడా రావొచ్చు. కాబట్టి కడుపు సమస్యలు ఉన్నవారు మెంతికూర తినకూడదని చెబుతున్నారు.గర్భిణీలు మెంతులకు దూరంగా ఉండాలని నిపుణులు చెబుతున్నారు. మెంతులు వేడి స్వభావాన్ని కలిగి ఉన్న కారణంగా.. రక్తస్రావం అయ్యే అవకాశాలు ఉంటాయని అంటున్నారు. పాలిచ్చే తల్లులు కూడా మెంతులకు దూరంగా ఉండాలని, ఇది కడుపు నొప్పికి కారణమవుతుందని హెచ్చరిస్తున్నారు.
శ్వాస సంబంధిత సమస్యలతో బాధపడేవారు మెంతి నీరు, మెంతులను తక్కువ తీసుకుంటే మేలని నిపుణులు సూచిస్తున్నారు. మెంతులు వేడి స్వభావాన్ని కలిగి ఉండటం వల్ల శ్వాసకోశ సమస్యలను కలిగిస్తుంది.మెంతిలో ఎక్కువగా సోడియం తక్కువగా ఉంటుంది. దీనివల్ల రక్తపోటు తగ్గే అంకాశం ఉంటుందని నిపుణులు చెబుతున్నారు. తక్కువ రక్తపోటుతో బాధపడేవారు వీలైనంత వరకు మెంతులకు దూరంగా ఉండాలని చెబుతున్నారు.మెంతులను నీటిలో కలుపుకొని తాగడం వల్ల డయాబెటిక్‌ బాధితులకు మేలు జరుగుతుందని చెబుతుంటారు. అయితే మంచిది కదా అని ఎక్కువగా తీసుకుంటే మాత్రం ఏమాత్రం మంచిది కాదని నిపుణులు చెబుతున్నారు. మెంతులు నీటిని మోతాదుకు మించి తీసుకుంటే చక్కెర స్థాయి గణనీయంగా తగ్గుతుందని నిపుణులు చెబుతున్నారు. ఇది మధుమేహ వ్యాధిగ్రస్తు ఆరోగ్యాన్ని క్షీణింపజేస్తుందని చెబుతున్నారు.కాబట్టి మెంతులను కేవలం మితంగా మాత్రమే తీసుకోండి. ఎల్లప్పుడూ కూడా ఎలాంటి జబ్బులు రాకుండా సంపూర్ణ ఆరోగ్యంగా ఉండండి.
మరింత సమాచారం తెలుసుకోండి:
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి