థమన్ సంగీతం అందిస్తున్న ఈ మూవీని మైత్రి మూవీ మేకర్, 14 రీల్స్ ప్లస్, జిఎంబి ఎంటర్టైన్మెంట్స్ సంస్థలు తీస్తుండగా మది కెమెరా మ్యాన్ గా పని చేస్తున్నారు. ఇక ఈ మూవీపై మహేష్ ఫ్యాన్స్ తో పాటు ఆడియన్స్ లో కూడా మంచి అంచనాలు ఉన్నాయి. ఇప్పటికే ఈ సినిమా నుండి రిలీజ్ అయిన బ్లాస్టర్ టీజర్ అందరిని ఎంతో ఆకట్టుకుంది. ఇక ఈ సినిమా నుండి ఫస్ట్ సాంగ్ ని ఫిబ్రవరి 14న లవర్స్ డే సందర్భంగా రిలీజ్ చేయనున్నట్లు ఇటీవల యూనిట్ ప్రకటించింది. అయితే విషయం ఏమిటంటే, ఫస్ట్ సాంగ్ కళావతి అనే పల్లవితో సాగుతుందని, కొద్దిసేపటి క్రితం సర్కారు వారి పాట యూనిట్ ఒక పోస్టర్ రిలీజ్ చేసింది. అలానే ఈ సాంగ్ కి సంబంధించి ఈనెల 9న అలానే 11న మరొక రెండు అప్ డేట్స్ రానుండగా లిరికల్ సాంగ్ ని 14న విడుదల చేయనున్నారు. అయితే లేటెస్ట్ టాలీవుడ్ వర్గాల సమాచారం ప్రకారం ఈ సాంగ్ మంచి మెలోడియస్ గా రొమాంటిక్ స్టైల్ లో సాగే ఈ కళావతి సాంగ్ ని అనిరుద్, సిద్ శ్రీరామ్ లలో ఒకరు ఆలపించారని, కాగా దీనిపై త్వరలో క్లారిటీ రానుందని తెలుస్తోంది. రాబోయే రోజుల్లో మిగతా సాంగ్స్, ట్రైలర్ ని రిలీజ్ చేసిన అనంతరం మూవీని మే 12న రిలీజ్ చేయనుంది యూనిట్.
