స్టైలిష్ స్టార్ అల్లు అర్జున్ హీరోగా వక్కంతం వంశీ డైరక్షన్ లో వచ్చిన సినిమా నా పేరు సూర్య. లగడపాటి శ్రీధర్ నిర్మించిన ఈ సినిమా సైనికుడి గొప్పతనం గురించి దేశం కోసం అతను ఎలాంటి పరిస్థితులకైనా సిద్ధంగా ఉంటాడని చూపించారు. ఇక ఈ సినిమా కథ ముందు ఎన్టీఆర్ కు చెప్పాడని ఓ న్యూస్ బయటకు వినిపిస్తుంది.
నా పేరు సూర్య కాదు నా పేరు ఎన్.టి.ఆర్ అంటూ కొందరు ట్రోలింగ్స్ చేస్తున్నారు. ఎన్.టి.ఆర్ నటించిన సినిమాలకు రచయితగా పనిచేసిన వక్కంతం వంశీ డైరక్టర్ గా చేసిన మొదటి ప్రయత్నం నా పేరు సూర్య. ఈ సినిమా కథ ఎన్టీఆర్ కోసం రాసుకున్నాడని ఆయన కాదన్నాకనే బన్ని దగ్గరకు వచ్చిందని అన్నారు.
నా పేరు సూర్య ప్రమోషన్స్ లో భాగంగా ఈ విషయం గురించి క్లారిటీ ఇచ్చాడు వక్కంతం వంశీ. నా పేరు సూర్య కేవలం అల్లు అర్జున్ కోసం రాసుకున్న కథ మాత్రమే అని బయట వినిపిస్తున్నట్టుగా ఎన్.టి.ఆర్ కు ఈ కథ చెప్పలేదని అన్నారు. ఇక ఎన్.టి.ఆర్ కోసం తాను కథ సిద్ధం చేస్తున్నానని చెప్పుకొచ్చాడు వంశీ.
అసలైతే టెంపర్ సినిమా రచయిత అయిన వక్కంతం వంశీ ఆ సినిమాను ఎన్.టి.ఆర్ హీరోగా డైరెక్ట్ చేయాలని చూశాడు. కాని ఎన్.టి.ఆర్ నిర్మాత బండ్ల గణేష్ ఎందుకో రిస్క్ తీసుకోలేకపోయారు. అందుకే నా పేరు సూర్య ఈవెంట్ టైంలో నా మూడున్నర ఏళ్ల కల నెరవేర్చిన మగాడు బన్ని అని అన్నాడు వంశీ.
