
హారికకు రెండు, మూడు మిర్చి దండలు వేస్తా అంటూ కుమార్ సాయి నామినేట్ చేశాడు. అంతగా ఆమెను ఎందుకు టార్గెట్ చేశారో చూడాలి. కాలు నొప్పి అంటూ కుంటి సాకులు చెబుతున్నాడంటూ నోయల్ను దివి నామినేట్ చేసినట్లుంది. సింపతీ కోసం ఇదంతా చేస్తున్నట్లుగా ఉంది.. ఫేక్ అనిపిస్తున్నారు అని కూడా చెప్పింది. నేను నచ్చకపోతే నా గురించి మాట్లాడొద్దు అని మోనాల్ అంది. దానికి అభిజీత్ మెచ్చుకోవడమూ కనిపించింది. కెప్టెన్సీ టాస్క్ సమయంలో సంచాలకుడిగా నువ్వు విఫలమయ్యావని అఖిల్ అభిజీత్ను నామినేట్ చేశాడు. ఆటోమేటిగ్గా అభిజీత్… అఖిల్ను నామినేట్ చేశాడు.
ఈసారి ఇంట్లో కొత్త గొడవులు కనిపిస్తున్నాయి. మెహబూబ్, ఆరియానా మధ్య డిస్కషన్ జరిగింది. మీ పేరు ఎత్తితే నామినేట్ చేసేస్తున్నారు అంటూ ఆరియానా అంటోంది. మరోవైపు కుమార్సాయి, సోహైల్ మధ్య కూడా అదే పరిస్థితి. వేలు చూపించి మాట్లాడొద్దు అంటూ సోహైల్ అంటే.. యాటిట్యూడ్ వద్దని కుమార్సాయి అంటున్నాడు. చూద్దాం ఈ ఘాటు నామినేషన్లో ఇంకేం జరిగాయో.
కాగా శనివారం ఎపిసోడ్ లో అనారోగ్య సమస్యల కారణంగా గంగవ్వ బిగ్ బాస్ ఇంటి నుంచి వెళ్లిపోగా ఆదివారం ఎపిసోడ్ లో నామినేషన్ లో వున్న జోర్దార్ సుజాత ఇంటి నుంచి ఎలిమినేట్ అయ్యి బయటకి వెళ్ళిపోయింది.