ఈ ప్రమాదంలో కార్ డ్రైవర్ కి సీట్ బెల్ట్ ధరించడంతో ఎలాంటి గాయాలు కాలేదు. కత్తి మహేష్ మాత్రం సీట్ బెల్ట్ ధరించండి కారణంగా తీవ్ర గాయాల పాలయ్యాడు. కారు ముందు భాగం మొత్తం నుజ్జునుజ్జయింది. ఇక కత్తి మహేష్ మృతదేహాన్ని నేడు చెన్నై నుంచి యలమంద గ్రామానికి తరలిస్తున్నారు. అయితే మృతదేహం వచ్చేసరికి ఆలస్యం అయ్యే అవకాశం ఉండడంతో కుటుంబ సభ్యులు నేడు అంత్యక్రియలను వాయిదా వేసినట్లు సమాచారం. రేపు ఉదయం కత్తి మహేష్ అంత్యక్రియలు జరగనున్నాయి.
కాగా కత్తి మహేష్ కు భార్య, ఒక కొడుకు ఉన్నారు. కానీ ఆయన ఇప్పుడు తన భార్యతో కలిసి ఉండడం లేదు. హైదరాబాద్ సెంట్రల్ యూనివర్సిటీలో చదివే రోజుల్లో కత్తి మహేష్ ఓ బెంగాలీ యువతితో ప్రేమలో పడ్డాడు. ఆమెనే వివాహం చేసుకున్నాడు. వారికి ఒక కొడుకు కూడా పుట్టాడు. ఆ తరువాత భార్యాభర్తలిద్దరూ స్నేహపూర్వకంగా విడిపోయారు. ప్రస్తుతం ఆమె మధ్యప్రదేశ్, భోపాల్ లో ఓ కేంద్ర ప్రభుత్వ ఉద్యోగం చేస్తోందని తెలుస్తోంది.