తాము ఈ సినిమాను ఎంతో కష్టపడి చేస్తున్నామని.. ప్రేక్షకులు తమ కష్టాన్ని గుర్తిస్తున్నందుకు సంతోషంగా ఉందని కూడా చిత్ర యూనిట్ తెలిపింది. అయితే తాజాగా ఈ చిత్ర యూనిట్ అయోధ్య రామ మందిరాన్ని సందర్శించడానికి వెళ్లాలని ప్లాన్ చేస్తోంది. ఈ క్రమంలోనే రాముడి అపర భక్తుడైన హనుమాన్ తన సినిమా నేపథ్యం కావడంతో శ్రీరాముడి దీవెనలు తీసుకోవడానికి నేడు హనుమాన్ బృందం శ్రీరామ జన్మస్థలి అయిన అయోధ్యకు వెళుతున్నారు. నవంబర్ 29వ తేదీన హనుమాన్ చిత్ర యూనిట్ అయోధ్యకు పయనం అవుతున్నట్లు సమాచారం.
ఈ చిత్రంలో హీరోగా జాంబిరెడ్డి ఫేమ్ తేజ సజ్జ నటిస్తుండగా.. హీరోయిన్గా అమృత అయ్యర్ నటిస్తోంది. కే నిరంజన్ రెడ్డి ఈ సినిమాను ప్రైమ్ షో ఎంటర్టైన్మెంట్ బ్యానర్ పై ప్రొడ్యూస్ చేస్తున్నారు. హరి గౌర ఈ చిత్రానికి సంగీతం అందిస్తున్నారు. త్వరలోనే ఈ సినిమా విడుదల తేదీ కూడా ప్రకటిస్తాము అని తప్పకుండా ప్రేక్షకుల మన్ననలు ఈ సినిమా పొందుతుంది అని చిత్ర బృందం ఆశాభావం వ్యక్తం చేసింది. ప్రభాస్ నటిస్తున్న ఆది పురుష్ సినిమాకు యంగ్ హీరో తేజ సజ్జ హనుమాన్ సినిమా గట్టి పోటీ ఇవ్వనుంది అనడంలో సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి