రంగమ్మత్త ద్వారా విపరీతమైన పాపులారిటీ వచ్చినప్పటికీ అనసూయ జబర్దస్త్ ను విడిచిపెట్టలేదు. మొన్నటిదాకా ఆ షో లో యాంకర్ గా కొనసాగారు. మా టీవీ, జీటీవీలో ప్రసారమైన కొన్ని షో స్ కి యాంకర్ గా కూడా వ్యవహరించారు. కొంతకాలం నుంచి జబర్దస్త్ లో కనిపించడం లేదు. అయితే వెండి తెర మీద ఆమె మెరుస్తూనే ఉన్నారు. పుష్ప సినిమాలో దాక్షాయణి అనే పాత్రలో అనసూయ విమర్శకుల ప్రశంసలు పొందారు. ప్రేమ విమానం, పెద్దకాపు అనే సినిమాలతో అలరించారు. ప్రస్తుతం అనసూయ పుష్ప-2 సినిమాలో నటిస్తున్నారు. సినిమాల్లో బిజీగా ఉన్నప్పటికీ సోషల్ మీడియాలో అనసూయ చాలా యాక్టివ్ గా ఉంటారు. తనను అనుసరించే వారితో చాలా విషయాలు షేర్ చేసుకుంటారు.. ఆమెకు సంబంధించిన కొత్త కొత్త ఫోటోలను ఎప్పటికప్పుడు అప్లోడ్ చేస్తుంటారు. ఆమె అప్లోడ్ చేయడమే ఆలస్యం ఫోటోలు వెంటనే వైరల్ అవుతుంటాయి. అయితే కొన్నిసార్లు అవి వివాదాలకు కూడా దారితీస్తుంటాయి.
కేవలం సాంప్రదాయ దుస్తులు మాత్రమే కాదు, అధునాతన దుస్తులు ధరించి ఫోటోషూట్లతో అనసూయ సందడి చేస్తుంటారు. అవి కుర్రకారును ఆకట్టుకుంటాయి. ఆ మధ్య తన కుటుంబంతో కలిసి విహారయాత్రకు వెళ్లినప్పుడు అధునాతన దుస్తులు ధరించి దిగిన ఫోటోలను అనసూయ సోషల్ మీడియాలో పోస్ట్ చేసింది. దీంతో అవి వైరల్ గా మారాయి.. తాజాగా నీలం, ఆకుపచ్చ సమ్మేళతమైన రంగుతో కూడిన లెహంగా ధరించి అనసూయ అలరించారు. వయ్యారాలు వలకబోస్తూ ఫోటోలు దిగారు. వాటిని ఆమె సోషల్ మీడియాలో పోస్ట్ చేశారు. ప్రస్తుతం ఆ ఫోటోలు వైరల్ గా మారాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి