తెలుగు సినీ పరిశ్రమలో దర్శకుడిగా మంచి గుర్తింపును సంపాదించుకున్న వారిలో క్రిష్ జాగర్లమూడి ఒకరు. ఈయన గమ్యం మూవీతో దర్శకుడిగా కెరియర్ను మొదలు పెట్టి మొదటి మూవీతోనే మంచి గుర్తింపును సంపాదించుకున్నాడు. ఆ తర్వాత కూడా ఈయన ఎక్కువ శాతం కమర్షియల్ సినిమాల జోలికి వెళ్లకుండా వైవిధ్యమైన కథలతో సినిమాలను రూపొందిస్తూ టాలీవుడ్ ఇండస్ట్రీలో దర్శకుడిగా తనకంటూ ఒక మంచి గుర్తింపును సంపాదించుకున్నాడు. చాలా కాలం క్రితం క్రిష్ , పవన్ కళ్యాణ్ హీరోగా హరిహర వీరమల్లు అనే సినిమాను మొదలు పెట్టాడు.

ఈ మూవీ షూటింగ్ కొంత భాగం పూర్తి అయిన తర్వాత పవన్ ఇతర సినిమాలపై ఫోకస్ పెట్టడం, ఆ తర్వాత ఈ సినిమాను స్టార్ట్ చేశాడు. కానీ ఆ తర్వాత పవన్ రాజకీయాలపై దృష్టి పెట్టడంతో ఈ మూవీ షూటింగ్ పలుమార్లు ఆగిపోతూ వచ్చింది. దానితో క్రిష్ ఈ సినిమా దర్శకత్వ భాద్యతల నుండి తప్పుకున్నాడు.  ఈ సినిమా దర్శకత్వ భాద్యతల నుండి క్రిష్ తప్పుకున్నాక అనుష్క ప్రధాన పాత్రలో ఘాటి అనే సినిమాను మొదలు పెట్టాడు. ఈ సినిమాకు సంబంధించిన పనులు చాలా స్పీడ్ గా జరిగాయి. దానితో ఈ మూవీ అత్యంత వేగంగా ప్రేక్షకుల ముందుకు వస్తుంది అని చాలా మంది అనుకున్నారు. ఈ మూవీ ని ఈ జూలై నెలలో విడుదల చేసే అవకాశం ఉన్నట్లు గట్టిగా వార్తలు బయటకు వచ్చాయి.

కానీ ప్రస్తుతం ఈ సినిమాకు సంబంధించిన పనులు పెండింగ్లో ఉన్నట్లు , దానితో ఈ మూవీ ఆగస్టు నెలలో విడుదల కావడం కష్టం అని ఓ వార్త వైరల్ అవుతుంది. ఇకపోతే క్రిష్ ఆఖరుగా కొండపొలం అనే సినిమాను ప్రేక్షకుల ముందుకు తీసుకువచ్చాడు. ఈ మూవీ విడుదల అయ్యి చాలా కాలమే అవుతుంది. ఓ వైపు హరిహర వీరమల్లు మరో వైపు ఘాటి ఈ రెండు సినిమాల పనులు అనుకున్నంత స్పీడ్ గా జరగకపోవడంతో క్రిష్ మూవీలు ప్రేక్షకుల ముందుకు స్పీడ్ గా రాలేకపోతున్నాయి అని కొంత మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pawan

Pulgam Srinivas

03/07/2025 08:20 AM