గ్యాంగ్ లీడర్గా తెరమీద ఎంట్రీ ఇచ్చిన చిరు, వాస్తవానికి అనేక గ్యాంగ్‌లకు లీడర్‌గానే నిలిచారు. ఎంత మంది హీరోలు వచ్చినా, వస్తున్నా, వారందరికీ చిరునే ఆదర్శం. రికార్డులు బద్దలు కొడుతూ, తన రికార్డుల్ని తానే దాటుకుంటూ వెళ్ళిన వేట చిరంజీవిదే. అందుకే ఆయనను అభిమానులు రికార్డుల రారాజు అంటారు. పరిశ్రమలో సమస్యలు వచ్చినా, కార్మికుల ఇబ్బందులు తలెత్తినా చిరంజీవి ఎప్పుడూ ముందుంటారు. ఆపద్బాంధవుడు, ముఠామేస్త్రీ, బిగ్ బాస్ అనే పేర్లు ఆయన వ్యక్తిత్వానికి సరైన నిర్వచనాలే. బ్లడ్ బ్యాంక్ ద్వారా లక్షల మందికి ప్రాణదానం చేయడం, కరోనా సమయంలో భరోసా కల్పించడం – ఇవన్నీ ఆయన మానవత్వానికి అద్దం పడతాయి.
తన కోసం కాదు, పరిశ్రమ కోసం, అభిమానుల కోసం, సమాజం కోసం ఎప్పుడూ తలదించుకున్న చిరు, అందుకే అందరికీ అందరిలా మారిపోయారు. అందరివాడు అనే పదం ఆయనకోసమే పుట్టింది. కొత్త తరాలకు ఆదర్శంగా నిలిచిన ఆయన, ప్రతి హీరో కలలలో మెరిసే గాడ్‌ఫాదర్. ఎన్టీఆర్, ఏఎన్నార్, కృష్ణ, శోభన్‌బాబు, కృష్ణంరాజు వంటి మహానటుల మధ్య వెలుగొచ్చి, తనదైన శైలిలో కొత్త సామ్రాజ్యం నిర్మించుకున్న చిరంజీవి, అందుకే అసలైన విజేత. ప్రతి శుక్రవారం కొత్త సినిమాలు వస్తుంటాయి, కొత్త హీరోలు వస్తుంటారు. కానీ అభిమానుల హృదయాల్లో చిరంజీవి స్థానం మాత్రం కదలదు. కాలం గడుస్తున్నా, తరాలు మారుతున్నా, మెగాస్టార్ అనే పదం చిరంజీవి పేరుతోనే మోగిపోతుంది. ఈ పుట్టినరోజు ఆయనకు మరింత శక్తి, ఆనందం, విజయాలు అందించాలని అభిమానుల కోరిక. హ్యాపీ బర్త్‌డే టూ అవర్ ఓన్ మెగాస్టార్ చిరంజీవి గారు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి