అయితే, ఆమె కెరీర్ ఊహించని మలుపు తీసుకొచ్చిన సినిమా ‘బాబా’. సూపర్‌స్టార్ రజనీకాంత్ హీరోగా వచ్చిన ఈ సినిమా పై అప్పట్లోనే భారీ అంచనాలు ఉండేటివి. రజనీకాంత్ స్వయంగా రాసుకున్న కథ, ఆధ్యాత్మిక కాన్సెప్ట్ – వీటితో బాబా సినిమా ఒక కల్ట్ బ్లాక్‌బస్టర్ అవుతుందని అందరూ అనుకున్నారు. కానీ ఫలితం మాత్రం పూర్తిగా విరుద్ధంగా వచ్చింది. సినిమా బాక్సాఫీస్ వద్ద ఘోర పరాజయం పాలైంది. ఆ పరాజయం ప్రభావం ఎక్కువగా మనీషాపై పడింది. అప్పటివరకు సౌత్‌లో వరుసగా వచ్చిన ఆఫర్స్ ఒక్కసారిగా ఆగిపోయాయి. ఆమె ఇమేజ్ కూడా బలహీనపడిపోయింది. ఈ విషయాన్ని స్వయంగా మనీషా ఒక ఇంటర్వ్యూలో చెప్పుకొచ్చింది.
“రజనీకాంత్ సరసన నటించిన "బాబా" సినిమా నా కెరీర్‌లో పెద్ద డిజాస్టర్‌గా మిగిలింది. ఆ సినిమా ముందు నాకు సౌత్‌లో మంచి ఆఫర్స్ వచ్చేవి. కానీ సినిమా ఫ్లాప్ అయిన తర్వాత ఒక్కొక్కటిగా ఆ అవకాశాలు తగ్గిపోయాయి. తిరిగి ట్రాక్‌లోకి రావడానికి చాలా కష్టపడాల్సి వచ్చింది” అని ఆమె స్పష్టంగా వెల్లడించింది. ఆమె వ్యాఖ్యలు పెద్ద దుమారం రేపాయి. రజనీకాంత్ అభిమానులు మనీషాపై తీవ్ర ఆగ్రహం వ్యక్తం చేశారు. ఆమెను విమర్శలతో ఇబ్బంది పెట్టారు కూడా. ఆ తర్వాత రజనీకాంత్ ఇతర హీరోయిన్స్‌తో నటించినా వారికి మంచి బ్రేక్‌లు వచ్చాయి. కాబట్టి బాబా సినిమా ఫెయిల్యూర్‌కి రజనీకాంత్‌ను ఒక్కరినే కారణం చేయడం తగదు అని చాలామంది సినీ ప్రముఖులు కూడా వ్యాఖ్యానించారు. జనాల అభిప్రాయం ప్రకారం – బాబా సినిమా ఫ్లాప్ కావడానికి కథా నిర్మాణం, డైరెక్షన్, స్క్రీన్‌ప్లే వంటి అంశాలు బలహీనంగా ఉండటం కూడా పెద్ద విషయమే. కానీ దాని ప్రభావం హీరోయిన్ మనీషా కెరీర్‌పై పడటం నిజంగా దురదృష్టకరం. ఆమె ఆ సమయంలో ఉన్న ఇమేజ్ ఒక్కసారిగా పడిపోవడం మాత్రం వాస్తవం. మొత్తానికి, స్టార్ హీరోలతో నటించడం ఎల్లప్పుడూ కెరీర్ హైలైట్ అవుతుంది అనే నమ్మకం తప్పని, అందుకు బాబా సినిమా – మనీషా కొయిరాలా – రజనీకాంత్ ఉదాహరణలుగా నిలిచారు అని ఇప్పుడు ఇండస్ట్రీలో ప్రతి ఒక్కరు మాట్లాడుకుంటున్నారు..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి