సినిమాలో హీరో తేజ సజ్జ పర్ఫార్మెన్స్‌ ప్రత్యేక ఆకర్షణగా నిలిచింది. అతను పోషించిన సూపర్ హీరో పాత్రను ప్రేక్షకులు తెగ మెచ్చుకుంటున్నారు. తేజ సజ్జ తన టాలెంట్‌ను మరోసారి నిరూపిస్తూ, మిడ్-రేంజ్ హీరోగా ఎంత పెద్ద స్థాయి ప్రాజెక్టులు మోసుకెళ్లగలడో చూపించాడు. ఈ సినిమా విడుదలతో అతని క్రేజ్ గణనీయంగా పెరిగిపోయింది. తక్కువ సమయంలోనే స్టార్ మిడ్‌రేంజ్ హీరోల జాబితాలో స్థానం సంపాదించడం తేజ సజ్జ కెరీర్‌లో మైలురాయి అని అభిమానులు అంటున్నారు. ఇక సినిమాలో విలన్‌గా నటించిన మంచు మనోజ్ కి కూడా ప్రేక్షకుల నుంచి ఘనమైన స్పందన వస్తోంది. కొత్త లుక్‌, కొత్త యాంగిల్‌లో మనోజ్ ఈ సినిమాతో తన టాలెంట్‌ను మరోసారి ప్రూవ్ చేసుకున్నాడు. హీరోయిన్ రితిక నాయక్ అందం, నటన ప్రేక్షకులను ఆకట్టుకుంటోంది. గౌరహరి అందించిన మ్యూజిక్‌, బీజీఎం సినిమాకు అదనపు ప్లస్ పాయింట్‌గా మారింది. మ్యూజిక్‌ ట్రాక్స్‌, యాక్షన్ సీన్స్‌, విజువల్ ఎఫెక్ట్స్ అన్నీ కలిసి సినిమాకు ఓ ఇంటర్నేషనల్ రేంజ్ ఫీల్‌ను ఇచ్చాయి.
మీరాయి సినిమా దేశీయ మార్కెట్‌లో మాత్రమే కాకుండా ఓవర్సీస్‌లో కూడా సంచలన విజయాన్ని నమోదు చేస్తోంది. ముఖ్యంగా నార్త్ అమెరికా బాక్సాఫీస్ వద్ద ఈ సినిమా విడుదలైన కొద్ది రోజులకే వన్ మిలియన్ డాలర్స్ వసూళ్లను దాటింది. ఇది సాధారణంగా పెద్ద స్టార్ హీరోల సినిమాలకే సాధ్యమయ్యే రికార్డ్. తేజ సజ్జ లాంటి మిడ్‌రేంజ్ హీరో సినిమా ఇలాంటి మైలురాయిని చేరుకోవడం పరిశ్రమలో చర్చనీయాంశంగా మారింది. సినిమా పై వస్తున్న రివ్యూలు, సోషల్ మీడియాలో ట్రెండ్ అవుతున్న పాజిటివ్ పోస్టులు చూస్తే, ఈ సినిమా బాక్సాఫీస్ వద్ద ఇంకెన్నో వండర్స్ చేస్తుందనడంలో ఎలాంటి సందేహం లేదు. ప్రేక్షకులు థియేటర్లకు క్యూ కడుతున్నారు, ప్రతి షోకు హౌస్‌ఫుల్ బోర్డ్స్ కనిపిస్తున్నాయి. ఒక మంచి కంటెంట్, పట్టుదలతో చేసిన సినిమా ఎప్పుడూ ప్రేక్షకుల నుంచి అద్భుతమైన రిస్పాన్స్ పొందుతుందనే విషయాన్ని “మీరాయి” మరోసారి నిరూపించింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి