అదే ఊపుతో దీదీ ఇప్పుడు దేశ పశ్చిమ తీరంపై కూడా కన్నేశారు. బెంగాల్‌తో వ్యాపార సారూప్యం ఉన్న గోవా రాష్ట్ర అసెంబ్లీ ఎన్నికలపై మమతా బెనర్జీ ప్రత్యేక ఫోకస్ పెట్టారు. ప్రధానంగా జాతీయ స్థాయిలో బీజేపీని దెబ్బ కొట్టాలంటే... ఆ పార్టీకి పట్టు ఉన్న రాష్ట్రాల్లో అధికారం చేజిక్కుకోవాలనేది కూడా దీదీ ప్లాన్. దీంతో... గత అసెంబ్లీ ఎన్నికల్లో బోటాబోటి సీట్లు సాధించి... పొత్తుల సాయంతోనే గోవాలో బీజేపీ అధికారంలోకి వచ్చింది. అందుకే దీదీ కూడా అదే పొత్తులపై ప్రధానంగా దృష్టి సారించారు. బీజేపీ అలయన్స్ పార్టీ మహారాష్ట్ర వాదీ పార్టీతో దీదీ పొత్తు పెట్టుకున్నారు. నెల రోజుల వ్యవధిలో ఏకంగా ఐదు సార్లు మమతా గోవాలో పర్యటించారు. అసంతృప్తి నేతలను తమ వైపు లాగేసుకున్నారు. ఇటు భారతీయ జనతా పార్టీ పరిస్థితి కూడా ఇబ్బందికరంగానే మారింది. ప్రజల్లో మంచి పేరున్న మనోహర్ పారికర్ వంటి నేత లేకుండా గోవాలో తొలిసారి బీజేపీ ఎన్నికల్లో పోటీ చేస్తోంది. సరైన నేత లేక పోవడం కూడా ప్రస్తుతం కమలం పార్టీకి కాస్త ఇబ్బందికరమే. ప్రస్తుతం గోవాలో టీఎంసీ గట్టి పోటీ ఇస్తుందని అంతా భావిస్తున్నప్పటికీ... అధికారం సొంతం అవుతుందా లేదా అనేది తేలాల్సి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి