రాగి ఉప్మాని ఎప్పుడైన తిన్నారా? రాగుల రవ్వతో చేసే ఈ ఉప్మా చాలా రుచిగా ఉంటుంది. దీనిని తినడం వల్ల మనం రుచికి రుచిని ఇంకా ఆరోగ్యానికి ఆరోగ్యాన్ని కూడా పొందవచ్చు.రాగులు మన ఆరోగ్యానికి చాలా రకాలుగా మేలు చేస్తాయన్న సంగతి మనకు తెలిసిందే. ఇవి బరువు తగ్గడంలో, చక్కెర స్థాయిలను అదుపులో ఉంచడంలో ఇంకా గుండె ఆరోగ్యాన్ని మెరుగుపరచడంలో ఇలా చాలా రకాలుగా రాగులు మనకు సహాయపడతాయి. మన ఆరోగ్యానికి ఎంతగానో మేలు చేసే ఈ రాగులతో ఉప్మాను తయారు చేసుకుని తినడం వల్ల మనం చాలా ఆరోగ్య ప్రయోజనాలను పొందవచ్చు. ఈ రాగి ఉప్మాను తయారు చేయడం కూడా చాలా సులభం. ఆరోగ్యానికి ఎంతగానో మేలు చేసే ఈ రాగులతో మరింత రుచిగా ఉప్మాను ఎలా తయారు చేసుకోవాలి? వంటి వివరాలను ఇప్పుడు తెలుసుకుందాం.


ముందుగా మనం రవ్వను తీసుకొని దానిని శుభ్రంగా కడిగి పక్కకు ఉంచాలి.ఆ తరువాత కళాయిలో నూనె వేసి వేడి చేయాలి. ఆ నూనె వేడయ్యాక పల్లీలు, జీడిపప్పు వేసి వేయించాలి.ఇక ఆ తరువాత వీటిని ప్లేట్ లోకి తీసుకుని పక్కకు ఉంచాలి. తరువాత అదే నూనెలో ఆవాలు, శనగపప్పు ఇంకా మినపప్పు వేసి వేయించాలి. ఆ తరువాత పచ్చిమిర్చి, ఉల్లిపాయ, అల్లం తరుగు ఇంకా కరివేపాకు వేసి వేయించాలి. ఇవి బాగా వేగిన తరువాత రాగి రవ్వను వేసి కలపాలి. దీనిని ఒక 3 నిమిషాల పాటు వేయించిన తరువాత నీళ్లు, ఉప్పు వేసి కలపాలి.ఆ తరువాత దీనిపై మూత పెట్టి మధ్యస్థ మంటపై మెత్తగా ఉడికే వరకు ఉడికించాలి. తరువాత వేయించిన పల్లీలు ఇంకా కొత్తిమీర వేసి కలిపి స్టవ్ ఆఫ్ చేసుకోవాలి. ఇలా చేయడం వల్ల బాగా రుచిగా ఉండే రాగి ఉప్మా తయారవుతుంది. ఇక దీనిని ఏ చట్నీతో తిన్నా కూడా చాలా రుచిగా ఉంటుంది. ఈ విధంగా అల్పాహారంగా రాగి రవ్వతో ఉప్మాను తయారు చేసుకుని తినడం వల్ల రుచితో పాటు సంపూర్ణ ఆరోగ్యాన్ని కూడా మనం ఈజీగా సొంతం చేసుకోవచ్చు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

health

Purushottham Vinay

19/06/2023 10:17 AM