ఇక గతంలో ఓటీటీ హక్కులు రిలీజ్ కు ముందే అంత ఫిక్స్ అయి ఉండేవి .. కానీ ఇప్పుడు సినిమా రిలీజ్ అయిన తర్వాత కలెక్షన్ ఎలా ఉన్నాయో దాన్నిబట్టి ఆ చెల్లింపులు ఉంటున్నాయి .. బాక్సాఫీస్ దగ్గర కలెక్షన్లు బాగుంటేనే ఓటీటీ డీల్ కూడా పూర్తిగా క్లోజ్ అవుతుంది . ఇక దాంతో నిర్మాతలు తొలి వారంలో బల్క్ బుకింగ్ ద్వారా వసూళ్లు పెంచాలని భావిస్తున్నారు .. ప్రైమ్ థియేటర్స్ లో ప్రవేట్ కంపెనీలు స్పాన్సర్స్ పేరుతో టికెట్లు తీసి హై నెంబర్స్ ను చూపిస్తున్నారు .. అయితే ఇది నిర్మాతలకు ఇప్పుడు కాస్త తలనొప్పిగా తయారైంది ..
ఎందుకంటే ఈ ముందస్తు బుకింగ్స్ కి వారికి కోట్లల్లో డబ్బులు ఖర్చవుతున్నాయి .. మార్కెట్లో హైప్‌ కోసం పెట్టిన డబ్బు రాబడిగా మారాలంటే కష్టమే అవుతుంది .. అయితే హీరోలు హీరోయిన్లకు మాత్రం ఇది కొంత ప్లస్ గా మారింది .. బాక్స్ ఆఫీస్ నెంబర్స్ బలంగా కనిపించడంతో వారి క్రేజ్ కూడా భారీగా పెరుగుతుంది .. తద్వారా వారి రేటు కూడా తర్వాత పెరిగిపోతుంది .. తర్వాత చేయబోయే సినిమాలో డీల్ విలువలు కూడా పెరిగిపోతున్నాయి . ఇలా నిర్మాతలు బరువు మోస్తే స్టార్ హీరోలు తరవాత మేలు పొందుతున్నారు .. ఇప్పటికైనా ఈ ట్రెండ్ పై పరిశ్రమలో చర్చ లేకపోతే నిర్మాతల పరిస్థితి దారుణంగా మారుతుందని చెప్పటంలో ఎలాంటి సందేహం లేదు ..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి