- 1974లో విడుదలైన `తాతమ్మ కల` సినిమాతో బాలకృష్ణ నటన ప్రస్థానం ప్రారంభమైంది. ఈ 50 ఏళ్ల ప్రయాణంలో బాలయ్య టచ్ చేయని జోనర్ లేదు. పౌరాణికం, జానపదం, సాంఘికం, సైన్స్ ఫిక్షన్, బయోపిక్.. ఇలా అన్ని జోనర్లను టచ్ చేసిన ఏకైక హీరోగా బాలయ్య నిలిచారు.
- 1987లో బాలకృష్ణ నటించిన ఏడు చిత్రాలు విడుదల కాగా.. అన్ని సినిమాలు బాక్సాఫీస్ హిట్టుగా నిలవడం ఒక రికార్డు.
- ఒకటి కాదు రెండు కాదు దాదాపు 17 చిత్రాల్లో బాలకృష్ణ ద్విపాత్రాభినయం చేశారు. అత్యధిక సినిమాల్లో డ్యూయ‌ల్ రోల్‌ చేసిన హీరోగా బాలయ్య రికార్డ్ సృష్టించారు. అలాగే `అధినాయకుడు` సినిమాలో త్రిపాత్రాభినయం చేసి చెలరేగిపోయారు.
- సొంత పేరుతో ఏడు చిత్రాల్లో నటించిన ఘనత బాలయ్య సొంతం. తండ్రి నందమూరి తారక రామారావు గారితో పదికి పైగా చిత్రాల్లో బాలయ్య స్క్రీన్ షేర్ చేసుకున్నారు.
- ఐదు దశాబ్దాల కెరీర్ లో కోదండ రామిరెడ్డి దర్శకత్వంలో బాలయ్య అత్యధిక చిత్రాల్లో నటించారు. వీరి కాంబినేషన్ లో ఏకంగా 13 సినిమాలు వచ్చాయి. వాటిలో మెజారిటీ చిత్రాలు ఘన విజయం సాధించాయి.
- కెరీర్ మొత్తంలో బాలయ్య చాలా హుషారుగా చేసిన చిత్రం `పైసా వసూల్`. ఇదే సినిమాలో ఆయన `మామా ఏక్ పెగ్‌లా` అంటూ సింగర్ గా కూడా మారడం మరొక విశేషం.
- బోయపాటి శ్రీను దర్శకత్వంలో బాలయ్య నటించిన `లెజెండ్` మూవీ వెయ్యి రోజులకు పైగా థియేటర్స్ లో ప్రదర్శితమయింది. ఇదొక రేర్ రికార్డ్ గా చెప్తారు. అలాగే బాలయ్య నటించిన 71 చిత్రాలు 100 రోజులకు పైగా ఆడాయి.
- 43వ ఇంటర్నేషనల్ ఫిలిం ఫెస్టివల్ ఆఫ్ ఇండియా(గోవా) వేడుకకు తెలుగు చిత్ర పరిశ్రమ నుంచి ముఖ్య అతిథి హోదాలో వెళ్లిన ఒకే ఒక్క నటుడు బాలయ్య.
- చాలామందికి తెలియని విషయం ఏమిటంటే.. స్కూల్ డేస్ లో బాలయ్య టేబుల్ టెన్నిస్ ఛాంపియన్. ఇటీవల బాలయ్య `పద్మ భూషణ్` అందుకున్నారు. ఆపై `ఎన్టీఆర్ నేషనల్ ఫిల్మ్‌` అవార్డు కూడా ఆయనను వరించింది. ప్రస్తుతం `అఖండ 2` మూవీతో బిజీగా ఉన్నారు. లైన్ లో `ఎన్‌బీకే 111` వన్ ప్రాజెక్టు కూడా ఉంది. ఈ చిత్రానికి గోపీచంద్ మ‌లినేని దర్శకుడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి