అతని నటన, ఎమోషనల్ సీన్స్‌లో చూపిన ఇన్‌టెన్సిటీ, యాక్షన్ సీన్స్‌లోని ఎనర్జీ ప్రేక్షకులను విపరీతంగా ఇంప్రెస్ చేసింది. కానీ అందరికీ మరింత సర్ప్రైజ్ ఇచ్చిన పాత్ర మాత్రం శ్రేయా శరణ్ పోషించిన అంబికా పాత్ర. ఆమె నటనతో ఈ సినిమాకి పూర్తిగా కొత్త రేంజ్ వచ్చింది అని చెప్పడంలో ఎలాంటి సందేహం లేదు. శ్రేయా ఈ పాత్రలో చేసిన నటనకు ప్రేక్షకులు, విమర్శకులు ప్రశంసలు కురిపిస్తున్నారు. అంబికా పాత్రను ఆమె అద్భుతంగా ఆవిష్కరించింది. ఇలాంటి పాత్రలు రావడం చాలా అరుదు. అలాంటి అవకాశం రావడం, దానిని అంత అద్భుతంగా చేయడం నిజంగా శ్రేయా శరణ్ కెరీర్‌లో గర్వకారణం.
అందుతున్న సమాచారం ప్రకారం, ఈ అంబికా పాత్రకు మొదట డైరెక్టర్ కార్తీక్ ఘట్టమనేని ఇతర నటీమణులను సంప్రదించారట. ఆయన మొదటగా ఈ పాత్రకు జెనీలియా ను అనుకోవడమే కాకుండా ఆమెను అప్రోచ్ కూడా చేశారట. జెనీలియా ఇటీవల తన రెండో ఇన్నింగ్స్ మొదలుపెట్టి మళ్లీ సినిమాల్లో బిజీ అవుతుందన్న ఉద్దేశంతో ఈ పాత్ర ఆమెకు సరిగ్గా సరిపోతుందని భావించారు. ఈ పాత్ర ద్వారా ఆమె కెరీర్ మళ్లీ పునరుజ్జీవం పొందుతుందని కూడా అనుకున్నారు. కానీ జెనీలియా మాత్రం ఈ పాత్ర చేయడానికి ఒప్పుకోలేదట. కారణం ఏమిటో స్పష్టంగా చెప్పలేదుగాని, పాత్ర తనకు సూట్ అవుతుందని అనిపించలేదేమో అని అంటున్నారు.
ఆ తరువాత ఈ పాత్రకు నయనతార, ఖుష్బూ సుందర్ వంటి నటీమణులను కూడా అప్రోచ్ చేశారట. కానీ వారు కూడా ఈ రోల్‌ను తిరస్కరించారట. చివరికి ఈ అద్భుతమైన పాత్ర శ్రేయా శరణ్ చేతికి వచ్చి పడింది. ఆమె మాత్రం ఈ పాత్ర కోసం ఒక్క లైన్ వినగానే వెంటనే ఒప్పేసుకుందట. దానికి కారణం ఏమిటంటే, ఆమెకు ఈ పాత్రలో ఉన్న డెప్త్, స్ట్రాంగ్ ఎమోషన్స్, స్క్రీన్ ప్రెజెన్స్ అన్నీ సరిగ్గా కనెక్ట్ అయ్యాయి. ఫలితంగా, ఆమె ఈ పాత్రలో ప్రాణం పోసి, ప్రేక్షకులను పూర్తిగా మెస్మరైజ్ చేసింది. “మిరాయి” సినిమాలో శ్రేయా శరణ్ ఇచ్చిన ప్రదర్శన ప్రధాన ఆకర్షణగా నిలిచింది. తేజ మరియు శ్రేయా జంటగా కనిపించిన ప్రతి సీన్ థియేటర్లలో చప్పట్లు కొట్టిస్తుంది. ఈ సినిమా విజయం పూర్తిగా వారి పర్ఫార్మెన్స్ మీద ఆధారపడి ఉందని చెప్పడంలో ఎలాంటి అతిశయోక్తి లేదు. ముఖ్యంగా శ్రేయా శరణ్ చేసిన అంబికా పాత్ర ఈ సినిమాకి గుండె లాంటిదని, ఆ పాత్ర ద్వారానే ఈ సినిమా హిట్ అయ్యిందని అందరూ అంటున్నారు.
మొత్తం మీద, “మిరాయి” అనే ఈ చిన్న సినిమా పెద్ద సినిమాలకు ఏమాత్రం తగ్గకుండా మంచి కంటెంట్, బలమైన నటన, ఎమోషనల్ కనెక్ట్ వల్ల థియేటర్లలో హిట్టయింది. ఈ సినిమాతో తేజ తన స్థాయిని మరింత పెంచుకోగా, శ్రేయా శరణ్ మరోసారి తన నటన శక్తిని నిరూపించుకుంది. ఈ పాత్ర శ్రేయాకు జీవితాంతం గుర్తుండిపోయే రోల్‌గా నిలుస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి