అయితే కెప్టెన్గా పరవాలేదు అనిపించిన అటు ఆటగాడిగా మాత్రం రోహిత్ శర్మ వరల్డ్ కప్ లో విఫలం అయిన తీరు అభిమానులు అందరిని కూడా ఆశ్చర్యానికి గురి చేసింది అని చెప్పాలి. ఎందుకంటే ఓపెనర్ గా బరిలోకి దిగి అతి తక్కువ పరుగులు మాత్రమే చేసి వికెట్ కోల్పోతూ టీమ్ ఇండియాని కష్టాల్లోకి నెట్టాడు రోహిత్ శర్మ. దీంతో అతనిపై తీవ్ర స్థాయిలో విమర్శలు వచ్చాయి. రోహిత్ శర్మ లాంటి సీనియర్ ఆటగాళ్లను పక్కనపెట్టి యువకులను జట్టులోకి తీసుకుంటే బాగుంటుంది అని ఎంతో మంది మాజీ ఆటగాళ్లకు కూడా అభిప్రాయపడ్డారు అని చెప్పాలి. అంతేకాకుండా రోహిత్ శర్మ ఫిట్నెస్ పై పూర్తిగా పట్టుకోల్పోయాడని సోషల్ మీడియాలో ఎన్నో ట్రోల్స్ వచ్చాయి.
ఇకపోతే ప్రస్తుతం రోహిత్ శర్మ ఫిట్నెస్ పై దృష్టి పెట్టాడు అన్నది తెలుస్తుంది. బరువు తగ్గే పనిలో బిజీ అయ్యాడట హిట్ మ్యాన్. ప్రస్తుతం జిమ్ లో తెగ వర్కౌట్ చేసేస్తూ ఉన్నాడట. ఇందుకు సంబంధించిన ఫోటోలు సోషల్ మీడియాలో అభిమానులతో పంచుకున్నాడు. కాగా రోహిత్ శర్మ బరువు తగ్గి ఫిట్గా మారాడు అంటే చాలు అతన్ని ఆపే బౌలర్ ఎవరు ఉండరని ఎంతో మంది అభిమానులు పోస్టులు పెడుతున్నారు. అయితే న్యూజిలాండ్తో జరుగుతున్న టి20 సిరీస్ కు విశ్రాంతి తీసుకున్న రోహిత్ శర్మ బంగ్లాదేశ్ తో జరగబోయే వన్డే టెస్ట్ సిరీస్ లకు అందుబాటులోకి రానున్నాడు.
