అయితే సాధారణంగా ఇలా వరల్డ్ కప్ గెలిచిన సమయంలో ఈ ప్రపంచకప్ ట్రోఫీని ఆటగాళ్ళు ఎంతో అపురూపంగా చూసుకుంటారో ప్రత్యేకంగా చెప్పాల్సిన పనిలేదు. ఏకంగా దేవుడు దిగివచ్చి ఒక అపురూపమైన వరం ఇచ్చాడేమో అన్నట్లుగా వరల్డ్ కప్ ట్రోఫీకి గౌరవం ఇస్తూ ఉంటారు. కానీ భారత్ వేదికగా జరిగిన వరల్డ్ కప్ టోర్నీలో కప్పు గెలిచిన ఆస్ట్రేలియా ప్లేయర్లు మాత్రం ఈ ట్రోఫీని అవమానించారు అన్న విషయం తెలిసిందే. వరల్డ్ కప్ టైటిల్ ను కాళ్ళ కింద పెట్టుకొని ఆస్ట్రేలియా ఆల్రౌండర్ మిచెల్ మార్ష్ బీర్ తాగుతూ ఫోటోలు ఇవ్వడం వివాదంగా మారిపోయింది. అతను వరల్డ్ కప్ ట్రోఫీని అగౌరపరిచాడు అంటూ అందరూ విమర్శలు చేస్తూ ఉన్నారు.
అయితే ఇలాంటి విమర్శలు రోజురోజుకు తీవ్రతరం అవుతున్నాయి అని చెప్పాలి. ఇక ఇప్పుడు తనపై వస్తున్న విమర్శల గురించి స్వయంగా ఆస్ట్రేలియా ఆల్ రౌండర్ మిచెల్ మార్ష్ స్పందిస్తూ ఆసక్తికర వ్యాఖ్యలు చేశాడు మరోసారి కూడా అలా కాలు పెట్టడానికి నేను రెడీగా ఉన్నా అంటూ షాకింగ్ కామెంట్స్ చేయడం గమనార్హం ఇందులో అగౌరపరచడం ఏమీ లేదు అది వివాదాస్పదం అయిందన్న విషయం కూడా నాకు తెలియదు. ఇతరులు నాకు చెప్పారు. సోషల్ మీడియాలో ఏం జరుగుతుందో నేను చూడను.. కావాలంటే మళ్లీ కాళ్ళు పెట్టడానికి కూడా నేను సిద్ధం అంటూ మిచెల్ మార్ష్ కామెంట్ చేయడం అందరిని షాక్ కి గురి చేసింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి