అయితే గంభీర్ తన అగ్రెసివ్ ఆటతీరుతో ఎప్పుడో ప్రత్యర్థి బౌలర్లకు ముచ్చెమటలు పట్టిస్తూ ఉంటాడు అన్న విషయం తెలిసిందే. అయితే గంభీర్ ఆటలో మాత్రమే కాదు ప్రవర్తనలో కూడా ఇలాంటి దూకుడే ఉంటుంది. ఈ క్రమంలోనే అతను క్రికెటర్ గా కొనసాగుతున్న సమయంలో.. ఎంతో మంది ప్రత్యర్థులతో గొడవలు పెట్టుకున్న సందర్భాలు చాలానే ఉన్నాయి. ఏదైనా సరే ముక్కు సూటిగా మాట్లాడే గంభీర్ ఇలా వివాదాలతో కూడా చాలాసార్లు వార్తల్లో హాట్ టాపిక్ గా మారిపోయాడు. అయితే ఇక ఇప్పుడు మాజీ క్రికెటర్ గా మారిన తర్వాత కూడా గంభీర్ లో ఇలాంటి దూకుడు ఎక్కడ తగ్గలేదు అని చెప్పాలి.
ప్రస్తుతం ఈ మాజీ ఓపెనర్ లెజెండ్స్ లీగ్ క్రికెట్లో ఆడుతున్నాడు. ఈ క్రమంలోనే ఇటీవల జరిగిన మ్యాచ్లో గౌతమ్ గంభీర్ మరోసారి గొడవపడ్డాడు. ఈ టోర్నీలో తన ప్రత్యర్థి ఆటగాడిగా కొనసాగుతున్న టీమిండియా మాజీ ప్లేయర్ శ్రీశాంత్, గంభీర్ కి మధ్య వాగ్వాదం జరిగింది. అయితే గొడవ అనంతరం గంభీర్ ఇన్స్టా పోస్ట్ పై శ్రీశాంత్ కామెంట్ పెట్టాడు. నువ్వు నన్ను చాలా సార్లు ఫిక్సర్ అన్నావు. నువ్వు ఏమైనా సుప్రీంకోర్టు కంటే ఎక్కువా? అంపైర్లను కూడా దూషించావు. ఎప్పుడు సహచర క్రికెటర్లతో గొడవ పడతావు. నిన్ను దేవుడు కూడా క్షమించడు. ఆయన అన్ని చూస్తున్నాడు అంటూ రాసుకొచ్చాడు శ్రీశాంత్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి