తాజా అపరకుబేర స్థానాల జాబితాలో ఎలన్ మస్క్ మొదటి స్థానంలో ఉండగా, తరువాతి స్థానాలలో బెజోస్, బెర్నార్డ్ ఆర్నాల్డ్, బిల్ గేట్స్, మార్క్ జుకర్ బర్గ్ లు ఉన్నారు. ఇటీవల ఎలన్ మస్క్అంతరిక్ష పరిశోధనల ప్రయోగాల కారణంగా బెజోస్, ఎలన్ మస్క్ ల మధ్య వివాదం నడుస్తుంది. అలాగే కొన్నాళ్లుగా అమెజాన్ షేర్ మార్కెట్లు కూడా నిదానంగా ఉండటంతో స్టాక్ విలువ 0.6 శాతం పడిపోయింది. దీనితో ఆయన ఆదాయం 197.7 బిలియన్ డాలర్లుగా ఉంది. ఈ ఏడాది టెస్లా వ్యాపారం కూడా బాగా సాగడంతో ఎలన్ మస్క్మొదటి స్థానం సాధించడంలో దోహదం చేసింది.
టెస్లా విలువ 792 బిలియన్ డాలర్ల స్థాయిని పొందితే, స్పేస్ ఎక్స్ 74 బిలియన్ డాలర్లకు చేరింది. కేవలం వారంలో ఈక్విటీ ఫండ్ ద్వారా 1.16 బిలియన్ డాలర్లు సాదించగలిగాడు. 2020 లోనే ఎలన్ మస్క్ఆదాయం 720శాతం పెరిగి 125 బిలియన్ డాలర్లకు చేరింది. ఎలన్ మస్క్200 బిలియన్ డాలర్లు దాటిన మూడో వ్యక్తిగా ఉన్నాడు. ఇంతకముందు ఈ రికార్డు బెజోస్, బెర్నార్డ్ దక్కించుకున్నారు. ఈ ఏడాది ఆగష్టు లో బెజోస్ ఈ ఘనత సాధించగా, బెర్నార్డ్ గత నెలలోనే ఈ ఘనత సాధించాడు. ఇదే స్థాయిలో ఎలన్ మస్క్ముందుకు పోతే 2025 కల్లా తొలి ట్రిలియనీర్ (300బిలియన్ డాలర్లు)అవుతాడు అని విశ్లేషకులు భావిస్తున్నారు.
