ఈ సిరీస్ విడుదలకు ముందే అందరిని దృష్టిని ఆకర్షించింది. ఈ సినిమా ఇతివృత్తం, కఠినమైన సన్నివేశాలు మరియు అన్నింటికంటే మించి, దియా నటన హైలైట్ అయ్యాయి. ఈ క్రమంలోనే దియా మీర్జా సదరు సినిమాలోని ఒక సన్నివేశాన్ని, చిత్రీకరించడం కోసం చాలా కష్టపడ్డామని, ఆ తరువాత తాను చాలా ఇబ్బందులు పడ్డానని ఓ మీడియా వేదికగా పంచుకుంది. అదే ఆ సినిమాలోని అత్యాచారం సీన్. ఈ సీన్ భావోద్వేగపరంగా మరియు శారీరకంగా కష్టతరమైన సన్నివేశం కావడం చేత చిత్రీకరణ తర్వాత తాను వాంతులు చేసుకున్నానని వెల్లడించింది.
ఆమె మాట్లాడుతూ... "మేము అత్యాచార సన్నివేశాన్ని చిత్రీకరించిన సీన్ నాకు ఇంకా గుర్తుంది. అది చాలా కష్టంగా తోచింది నాకు. ఆ సన్నివేశాన్ని చిత్రీకరించిన తర్వాత నేను శారీరకంగా వణికిపోయాను. నాకు వాంతులు కూడా అయ్యాయి. ఆ మొత్తం సన్నివేశాన్ని చిత్రీకరించడం పూర్తయిన తర్వాత నేను వాంతి చేసుకున్నాను. ఆ పరిస్థితులు ఎంత కష్టతరంగా ఉన్నాయో ఇంకా నేను చెప్పలేను.! అని చెప్పుకొచ్చింది. అయితే, కైనాజ్ పాత్రను పోషించడం వల్ల తాను ఒక వ్యక్తిగా ఎదగడానికి సహాయపడిందని, నిజ జీవితంలో ఆమె తల్లిగా మారడానికి ముందే ఆమెలో తల్లి భావాలను నింపిందని దియా ఈ సందర్భంగా వెల్లడించింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి