ట్రంప్ కూడా స్వయంగా కొన్ని పోస్టులు పెడుతున్నారు. త‌న‌కు తాను కింగ్‌గా అభివ‌ర్ణించుకునేలా ఆ పోస్టులు ఉంటున్నాయి. ముఖ్యంగా ఒక వీడియోలో నిరసనకారులపై విమానం ద్వారా బురద చల్లుతున్నట్లు చూపించి, దానిని తన ట్రూత్ సోషల్ ఖాతాలో పోస్ట్ చేయడం పెద్ద వివాదానికి దారితీసింది. ఆ వీడియో సోషల్ మీడియాలో దూసుకుపోతుండగా, ప్రజాస్వామ్య విలువలను అవమానిస్తున్నారని విమర్శలు వెల్లువెత్తుతున్నాయి. మరోవైపు ట్రంప్ మద్దతుదారులు మాత్రం ఈ నిరసనలను అమెరికా ప్రతిష్ఠకు వ్యతిరేకంగా ఉన్న చర్యలుగా అభివర్ణిస్తున్నారు. వారు ట్రంప్‌ను రక్షిస్తూ, ఆయన నిజమైన నాయకుడని చెబుతున్నారు. కానీ సాధారణ పౌరులు మాత్రం ట్రంప్ రాజులా వ్యవహరించడం ఆపాలని, ప్రజాస్వామ్య విలువలను గౌరవించాలని కోరుతున్నారు.
ప్రజల వ్యతిరేకత పెరుగుతున్నా, ట్రంప్ మాత్రం తన మద్దతుదారులపై నమ్మకంతో ముందుకు సాగుతున్నారు. అమెరికా రాజకీయాల్లో “నో కింగ్స్” ఉద్యమం ఇప్పుడు ప్రజాస్వామ్యం వ‌ర్సెస్ అధికారవాదం మధ్య కొత్త చర్చకు నాంది పలుకుతోంది. ఏదేమైనా ట్రంప్ తీరు ప‌ట్ల అమెరికాలో సాధారణ ప్రజల ప‌ట్ల కూడా తీవ్ర‌మైన వ్యతిరేకత రోజు రోజుకు పెరుగుతోంది. ట్రంప్ రెండోసారి అమెరికా అధ్యక్షుడు అయ్యాక ఆయన తీసుకుంటున్న నిర్ణ‌యాలు .. వ్య‌వ‌హ‌రిస్తోన్న తీరు ప్ర‌పంచ దేశాల‌ను కూడా తీవ్ర ఇబ్బందుల కు గురి చేస్తోన్న సంగ‌తి తెలిసిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి