ఆంధ్ర ప్రదేశ్ లోని అమలాపురం జిల్లా కేంద్రంగా కొనసీమ జిల్లాను ప్రభుత్వం ఏర్పాటు చేసింది. అయితే తాజాగా కొనసీమ జిల్లా పేరు అనేది మారనుంది. కొనసీమ జిల్లా పేరును డాక్టర్ బీఆర్ అంబేడ్కర్ కొనసీమ జిల్లాగా మార్చాలని డెసిషన్ తీసుకుంది. ఈ మేరకు ప్రభత్వం త్వరలోనే ప్రిలిమినరీ నోటిఫికేషన్ ను జారీ చేయనుంది.ఇక, అమలాపురం కేంద్రంగా ఏర్పడిన కోనసీమ జిల్లాకు రాజ్యాంగ నిర్మాత అయిన డాక్టర్‌ బీఆర్‌ అంబేడ్కర్‌ పేరు పెట్టాలనే డిమాండ్ ప్రభుత్వం ప్రాథమిక నోటిఫికేషన్ వెలువడినప్పటీ నుంచి కూడా వినిపిస్తుంది. దీని కోసం అంబేడ్కర్‌ జిల్లా సాధన సమితి నేతృత్వంలో నిరసన కార్యక్రమాలు నిర్వహిస్తున్నారు. ఇక ఈ క్రమంలోనే ప్రభుత్వం తాజాగా కొనసీమ జిల్లా పేరును.. డాక్టర్ అంబేడ్కర్ కొనసీమ జిల్లాగా మార్చాలని డెసిషన్ తీసుకుంది.ఇక కొనసీమ జిల్లా విషయానికి వస్తే ఇందులో.. రామచంద్రాపురం, మండపేట, అమలాపురం, రాజోలు, గన్నవరం, కొత్తపేట ఇంకా ముమ్మిడివరం అసెంబ్లీ నియోజవర్గాలు ఉన్నాయి.



జిల్లాలో రామచంద్రాపురం ఇంకా అమలాపురం రెవెన్యూ డివిజన్లు ఉన్నాయి. రామచంద్రాపురం, కె గంగవరం, మండపేట, రాయవరం, కపిలేశ్వరపురం, కొత్తపేట, రావులపాలెం, ఆత్రేయపురం ఇంకా అలాగే ఆలమూరు మండలాలతో కొనసీమ జిల్లా ఏర్పాటు చేశారు. జిల్లా విస్తీర్ణం వచ్చేసి 2,083 చదరపు కిలోమీటర్లు కాగా, జనాభా వచ్చేసి 17.191 లక్షలు ఉంటుంది.ఇక ఈమధ్య ఏలూరు జిల్లాలో వైఎస్సార్ రైతు భరోసా నిధుల విడుదల కార్యక్రమంలో పాల్గొన్న సీఎం జగన్.. గణపవరంను భీమవరం జిల్లాలో కలుపుతామని ఆయన చెప్పారు. ఇక ఇదిలా ఉంటే.. రాష్ట్రంలో అదనంగా మరో జిల్లా వచ్చే ఛాన్స్ కూడా ఉందని కొత్త జిల్లాలు ఏర్పాటైన కొద్ది రోజులకే అప్పటి మంత్రి పేర్ని నాని సంకేతాలు కూడా ఇచ్చారు. రంపచోడవరం ఇంకా పొలవరం ముంపు గ్రామాలతో కలిపి కొత్త జిల్లా ఏర్పాటు చేసేందుకు ప్రభుత్వం కసరత్తు చేస్తున్నట్లు తెలుస్తోంది.

మరింత సమాచారం తెలుసుకోండి:

Purushottham Vinay

18/05/2022 08:30 PM