ఇక ఇప్పుడు మంత్రులు కనీసం తమ సొంత నియోజకవర్గాల్లో అభివృద్ధి పనులు కూడా చేసుకోలే ని పరిస్థి తి ఉంది. చాలా మంది మంత్రుల నియోజకవర్గాల్లో రహదారులు అధ్వానంగా ఉన్నాయి. పారిశుధ్యం , డ్రైనేజీ వ్యవస్థ కూడా ఘోరంగా ఉంది. ప్రజలు బయటికి వస్తే అధ్వానంగా ఉన్న రహదారులపై ప్రయాణిస్తే ఎప్పుడు ? ఏ ప్రమాదం జరుగుతుందోనని బిక్కుబిక్కుమంటున్నారు. అయినా కూడా మంత్రులు పట్టించుకోవడం లేదు. చివరకు ప్రజలకు సమాధానం చెప్పుకోవాల్సి వస్తుందని మంత్రులు ప్రజల వద్దకు కూడా వెళ్లడం లేదట.
చివరకు మంత్రులకు సన్నిహితంగా ఉన్న వారు మంత్రులను ప్రశ్నిస్తే మా బాధ ఎవరికి చెప్పుకోం... గోడకు చెప్పమంటారా ? అని క‌సురుకుంటున్నారట. తాము పేరుకు మాత్రమే మంత్రులని... తమ నియోజకవర్గాల్లో చిన్న చిన్న పనులు కూడా చేయించుకోలేని స్థితిలో ఉన్నామని వాపోతున్నారట. ఏదేమైనా సీఎం జగన్మోహన్ రెడ్డి పార్టీ నేతలు .. ఎమ్మెల్యేల‌కే కాదు చివరకు తన కేబినెట్లో మంత్రులను కూడా పట్టించుకోవడం లేదు అన్నది మాత్రం వాస్తవం. మంత్రులు కూడా తమ బాధ కక్కలేక మింగలేక అన్న చందంగా ఉంటున్నారు.
