ఎంపిక: మీకు ఏ వ్యాపారం అయితే బాగా కలిసి వస్తుంది అనుకుంటారో, ఏ వ్యాపారం అయితే పెద్దగా నష్ట భయం లేకుండా ఎదగగలం అనుకుంటారో అటువంటి వ్యాపారాన్ని ఎంచుకోవాలి.
అవగాహన: మీరు ఎంచుకున్న వ్యాపారంపై అవగాహన పెంచుకోవాలి. పూర్తి వివరాలను తెలుసుకోవాలి. కుదిరితే అటువంటి వ్యాపారంలో సక్సెస్ అందుకున్న వారి నుండి విజయ రహస్యాలను తెలుసుకునే ప్రయత్నం చేయాలి.
మార్కెట్ : మీరు ఎంచుకున్నటువంటి వ్యాపారం పట్ల మార్కెట్ లో ఎలాంటి డిమాండ్ ఉందో తెలుసుకోవాలి. ధర, హోల్సేల్ రేట్లు అన్ని తెలుసుకోవాలి.
ఆర్ధిక అంశాలు : ముందుగా గుర్తుంచుకోవాల్సిన విషయం ఏమిటంటే వ్యాపారంలోకి దిగే ముందు అందుకు తగినంత డబ్బులు మన దగ్గర ఉంటేనే దిగడం మంచిది. అప్పులు చేసి పెట్టుబడులు పెడితే పొరపాటున నష్టం వస్తే భరించడం కష్టం. అలాగే వ్యాపార లావాదేవీల విషయంలో జాగ్రత్తగా వ్యవహరించాలి. చిన్న పొరపాటు అయినా సరే పెద్ద నష్టానికి దారి తీసే అవకాశం ఉందన్న విషయాన్ని గుర్తుంచుకోవాలి.
ఈ విధంగా వ్యాపారంలోకి రావాలనుకునే వారు పై విషయాలను పూర్తిగా తెలుసుకున్న తర్వాతనే ముందుకు రావడం మంచిది.