ప్రజలు చంద్రబాబును సీఎంగా 14 సంవత్సరాలు చూశారు. సీఎంగా జగన్ ను మూడున్నరేళ్లుగా చూస్తూనే ఉన్నారు. ఇలాంటి పరిస్థితులను పవన్ కళ్యాన్ క్యాష్ చేసుకోవాలి. మూడో ప్రత్యామ్నాయంగా పవన్ ప్రజలకు కనిపించాలి. అది ఇక్కడ జరగడం లేదు. భారతీయ జనతా పార్టీతో కలిసి పని చేస్తానని పవన్ ప్రకటించారు. కానీ ఇప్పటి వరకు ఎక్కడ కలిసి వీరు బహిరంగ సభ పెట్టినట్లు కనిపించ లేదు. మరో పక్క టీడీపీతో కలిసి పని చేస్తానని ప్రకటిస్తున్నారు.
రాజకీయాల్లో సందిగ్దత అంటే తెలియక అమోమయం, అసందిగ్దత అంటే తెలిసి తెలియనట్లు ఉండటం ప్రస్తుతం పవన్ పూర్తిగా అసందిగ్దత లో ఉన్నారని చెప్పొచ్చు. అవకాశాలు అయితే పదే పదే రావు. వచ్చినపుడే దాాన్ని సద్వినియోగం చేసుకొని అనుకున్న లక్ష్యాన్ని నెరవేర్చుకోవాలి. పవన్ తన ఆశయాన్ని నెరవేర్చుకుంటారా? లేక మళ్లీ బోల్తా పడతారా చూడాలి.
