కోలీవుడ్ స్టార్ హీరో సూర్యకి సౌత్ సినీ ఇండస్ట్రీ లో ఎలాంటి క్రేజ్ ఉందో ప్రత్యేకంగా చెప్పనక్కర్లేదు. ఇటీవల కాలంలో సూర్య నటించిన ఆకాశం నీ హద్దురా, జై భీమ్ వంటి సినిమాలు సంచలన విజయాలను నమోదు చేశాయి. అంతేకాదు ఈ సినిమాలకు ఎన్నో అవార్డులు కూడా రావడం జరిగింది. అయితే వీటి తర్వాత సూర్య నటించిన సినిమాలు బాక్సాఫీస్ దగ్గర ప్రేక్షకులను అలరించలేకపోయాయి. సూర్య నటించిన చివరి చిత్రం 'ఈటి' బాక్సాఫీస్ వద్ద ఘోర పరాజయాన్ని మూట కట్టుకుంది. ఈ సినిమా విడుదలైన మొదటి రోజే మిశ్రమ స్పందనను తెచ్చుకుంది. సినిమాలో కంటెంట్ బాగున్నా దాన్ని తీర్చిదిద్దిన విధానంలో దర్శకుడు విఫలమయ్యాడు. ఈ క్రమంలోనే ప్రస్తుతం సూర్య ఆశలన్నీ తాను తాజాగా శివ దర్శకత్వంలో నటిస్తున్న పీరియాడిక్ యాక్షన్ మూవీ పైనే ఉన్నాయి.

ఇక ప్రస్తుతం ఈ పీరియాడిక్ మూవీ శర వేగంగా షూటింగ్ జరుపుకుంటుంది. ఇటీవల ఈ సినిమాకు సంబంధించిన మోషన్ పోస్టర్ విడుదలై సినిమాపై అంచనాలను క్రియేట్ చేసింది. అయితే తాజాగా ఈ సినిమాకు సంబంధించిన ఓ వార్త ఇప్పుడు ఫిలిం సర్కిల్స్ లో చెక్కర్లు కొడుతుంది. నిజానికి సినిమాలపరంగా హీరో సూర్య గ్రాఫ్ ఎలా ఉన్నా ఈ సినిమాకి మాత్రం భారీ రేంజ్ లోనే బిజినెస్ జరుగుతుందని అంటున్నారు. తాజా సమాచారం ప్రకారం ఈ సినిమా హిందీ థియేట్రికల్ అండ్ నాన్ ధియేట్రికల్ రైట్స్ దాదాపు 100 కోట్లకు అమ్ముడు అయినట్లు తెలుస్తోంది. నిజానికి ఈ రేంజ్ లో సూర్య సినిమాకి హిందీలో బిజినెస్ జరగడం అనేది విశేషం అని చెప్పాలి.

ఇక సూర్య కెరీర్ లోనే భారీ బడ్జెట్ తో ఈ సినిమాని తెరకెక్కిస్తున్నారు. యూవీ క్రియేషన్స్, స్టూడియో గ్రీన్ సంస్థలు సంయుక్తంగా నిర్మిస్తున్నారు. ఇక ఈ సినిమాలో సూర్య యుద్ధ వీరుడిగా కనిపించబోతున్నాడు. ఇక ఈ సినిమాని ఏకంగా 10 భాషల్లో విడుదల చేస్తున్నారు. అంతేకాదు 2Dతోపాటు 3D లో కూడా ఈ సినిమా రూపొందనున్నట్లు తెలుస్తోంది. ఇక సినిమాలో సూర్యకు జోడిగా బాలీవుడ్ హాట్ బ్యూటీ దిశాపటాని హీరోయిన్గా నటిస్తూ ఉండగా.. దేవిశ్రీప్రసాద్ సంగీతాన్ని అందిస్తున్నాడు. ఈ ఏడాది చివర్లో లేదా వచ్చే ఏడాది ఆరంభంలో ఈ సినిమాని విడుదల చేయాలని మేకర్స్ సన్నాహాలు చేస్తున్నారు..!!

మరింత సమాచారం తెలుసుకోండి:

Suriya42

Anilkumar

03/01/2023 04:20 PM