1949లో రిలీజ్ అయిన ఈ బాలీవుడ్ మూవీలో అశోక్ కుమార్, మధుబాల ప్ర‌ధాన పాత్ర‌ల‌ను పోషించారు. బాంబే టాకీస్ బ్యానర్‌పై సవక్ వాచా మరియు అశోక్ కుమార్ నిర్మించిన మహల్ చిత్రానికి కమల్ అమ్రోహి దర్శకుడు. పునర్జన్మ నేపథ్యంలో సాగే సినిమా ఇది. స్టోరీ విష‌యానికి వస్తే.. హరి శంకర్ (అశోక్ కుమార్) అనే అరిస్టోక్రాట్ తనకు వారసత్వంగా వచ్చిన పురాతన మహల్‌లో కుటుంబంతో కలిసి నివసిస్తుంటాడు. అక్క‌డ కామిని ఒక మర్మమైన స్త్రీను మరి శంకర్ క‌లుసుకుంటారు.
గత జన్మలో తామిద్దరం ప్రేమికులని హరి శంకర్ తో కామిని చెబుతుంది. అసలు కామిని ఎవ‌రు? ఆమె చెప్పేది నిజమేనా? గత జన్మలో ఏం జరిగింది? మహల్‌లోనే కామిని ఎందుకు ఉండిపోవాల్సి వచ్చింది? అన్న‌దే మిగతా స్టోరీ. అప్ప‌ట్లో రూ. 12 నుండి 13 కోట్ల బడ్జెట్ తో నిర్మిత‌మైన మహల్ మూవీ 1949 అక్టోబర్ 13న విడుద‌లై అత్యంత ప్రజాదరణ పొందింది. ప్రేక్షకులు సినిమా చూసి ఫుల్ థ్రిల్ అయ్యారు. మూడవ వారం నాటికి దేశవ్యాప్తంగా ఈ చిత్రం సంచలనంగా మారింది. అప్పుటికే వ‌రుస ఫ్లాపుల్లో ఉన్న బాంబే టాకీస్ సంస్థ మహల్ మళ్లీ ఊపిరి పోసింది. బాంబే టాకీస్ చరిత్రలో అతిపెద్ద ఆర్థిక విజయంగా నిలిచింది. ఆ రోజుల్లోనే ఈ సినిమాకు రూ.25 లక్షలకు పైగా క‌లెక్ష‌న్స్ వ‌చ్చాయి. ఇప్పటి లెక్కల్లో ఓ రూ. 25 కోట్లు అని చెప్పొచ్చు. ఆ దశాబ్దపు అతిపెద్ద విజయాలలో ఒక‌టిగా నిలిచ‌న మహల్ మూవీతో నేపథ్య గాయని లతా మంగేష్కర్ మరియు నటి మధుబాల కెరీర్స్ కూడా ఊపందుకున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి