గురువారం సినిమాలు విడుదలవుతుండగా.. శుక్ర, శని, ఆదివారాలు సెలవులు కావడం ఈ రెండు సినిమాలకు ప్లస్‌గా మారుతుంది. పైగా ఈ రెండు సినిమాలు తప్పిస్తే, మిగతా బడా సినిమాల నుండి ఎలాంటి పోటీ లేదు. ఇంతకంటే మంచి ఛాన్స్ ఈ సినిమాలకు రానేరాదు. ఎన్టీఆర్ సినిమా ఎలా ఉన్నా, అభిమానులు తప్పక చూస్తారు. ఆయన రేంజ్ అలాంటిది. రజనీకాంత్‌కి కూడా అదే స్థాయి ఫ్యాన్ ఫాలోయింగ్ ఉంది. అయితే, ఇటీవలి కాలంలో రజనీకాంత్ నటించిన సినిమాలు వరుసగా ఫ్లాప్ అవ్వడం వల్ల ఈ సినిమా హిట్ అవ్వడం చాలా ముఖ్యమని సినీ ప్రముఖులు అంటున్నారు.
బలమైన స్టార్ కాస్ట్ కూలీకి ప్లస్‌గా మారవచ్చని అంచనా. మరోవైపు, జూనియర్ ఎన్టీఆర్ – హృతిక్ రోషన్ నటిస్తున్న వార్ 2పై యంగ్‌స్టర్స్ భారీగా హోప్స్ పెట్టుకున్నారు. యాక్షన్ సీన్స్, ఫైట్స్, పాటలు, డాన్స్ .. యంగ్‌స్టార్ సినిమా నుంచి కోరుకునే అన్ని ఎలిమెంట్స్ పుష్కలంగా ఉంటాయని నమ్మకం ఉంది. ఏపీలో పెరిగిన టికెట్ ధరలు వార్ 2కి అదనపు అడ్వాంటేజ్ తీసుకొచ్చాయి. ప్రీమియర్ షోలకూ అనుమతి వచ్చేసింది. టికెట్ ధరను ₹500 వరకూ పెంచుకునే ఛాన్స్ ఇచ్చింది ప్రభుత్వం. దీని వల్ల తొలి రోజు కలెక్షన్లు కూలీ కంటే వార్ 2 ఎక్కువగా ఉండొచ్చని కామెంట్లు వినిపిస్తున్నాయి.
ఏపీలో కూలీ టికెట్లు కార్పొరేట్ స్టైల్‌లో బల్క్ బుకింగ్స్ అయ్యాయి. ఇది సినిమాకు ఉన్న హైప్‌ను చూపిస్తున్నప్పటికీ, కొన్నిసార్లు మైనస్‌గా మారవచ్చని కూడా అంటున్నారు. అయినా కలెక్షన్స్ పరంగా చూసుకుంటే, వార్ 2 రికార్డులు క్రియేట్ చేసే అవకాశాలు ఎక్కువగా ఉన్నాయని సినీ విశ్లేషకులు చెబుతున్నారు. ఒకేసారి రెండు బడా సినిమాలు థియేటర్లలో రిలీజ్ అవుతూ ఉండటం.. పైగా స్టార్ హీరోల సినిమాలు కావడం వల్ల సినీ లవర్స్‌కి ఇది నిజమైన పండుగ అని చెప్పవచ్చు. వచ్చే మూడు, నాలుగు రోజులు థియేటర్స్‌లో సందడి తప్పదు. గురువారం సినిమాలు రిలీజ్ అవుతున్నాయి. శుక్రవారం ఇండిపెండెన్స్ డే హాలిడే, 16వ తేదీ శనివారం కృష్ణాష్టమి, 17వ తేదీ ఆదివారం. ఇవన్నీ సినిమాలకు కొత్త ఉత్సాహం ఇవ్వనున్నాయి. చూద్దాం మరి… ఏ సినిమా బాక్సాఫీస్ దుమ్ములేపుతుందో..?
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి