70 వాల్యూమ్‌ల అనుబంధ పత్రాలతో సమర్పించిన ఈ ఛార్జ్‌షీట్ దర్యాప్తు లోతును సూచిస్తుంది.ఈ కేసులో ఇప్పటివరకు 40 మంది వ్యక్తులు, సంస్థలను నిందితులుగా చేర్చగా, తాజాగా మరో ఎనిమిది మందిని జోడించారు. మొత్తం 16 మందిపై నేరారోపణలు మోపారు. మనీ ట్రయల్‌కు సంబంధించిన వివరాలు సమగ్రంగా విశ్లేషించబడ్డాయి, ఇందులో రూ. 50-60 కోట్ల ముడుపులు ప్రతి నెలా వసూలు చేసినట్లు సిట్ ఆరోపిస్తోంది. ఈ ఆర్థిక లావాదేవీలు హవాలా నెట్‌వర్క్‌ల ద్వారా, నకిలీ జీఎస్టీ ఇన్‌వాయిస్‌ల ద్వారా జరిగినట్లు తెలిపారు. ఈ కేసులో జగన్ సన్నిహితులైన కసిరెడ్డి రాజశేఖర్ రెడ్డి, ఎంపీ మిథున్ రెడ్డి వంటి వారి పాత్రలు కీలకంగా ఉన్నాయని సిట్ పేర్కొంది.
వైఎస్ఆర్‌సీపీ నాయకులు ఈ ఛార్జ్‌షీట్‌ను రాజకీయ కుట్రగా వర్ణిస్తున్నారు. చంద్రబాబు నాయుడు నేతృత్వంలోని ఎన్డీఏ ప్రభుత్వం తమను లక్ష్యంగా చేసుకొని ఈ ఆరోపణలు చేస్తోందని వారు వాదిస్తున్నారు. జగన్ ఈ కేసును “నీచమైన రాజకీయ కుట్ర”గా అభివర్ణించారు, ఆధారాలు లేని ఈ ఆరోపణలు న్యాయస్థానంలో నిలబడవని పేర్కొన్నారు. అయితే, సిట్ దర్యాప్తు కొనసాగుతోంది, తదుపరి అనుబంధ అభియోగపత్రాల్లో జగన్ ప్రమేయంపై మరింత స్పష్టత వచ్చే అవకాశం ఉంది. ఈ ఆరోపణలు రాజకీయ ఒత్తిడి కోసమా లేక నిజమైన అవినీతిని బహిర్గతం చేయడానికా అనే చర్చ రాష్ట్రంలో తీవ్రంగా నడుస్తోంది.
వాట్సాప్ నెంబ‌ర్‌ 94905 20108 కు మీ జిల్లాలో రాజకీయ, సామాజిక స‌మ‌స్య‌లు వివరాలు పంపండి..
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజకీయ ప‌ర‌మైన అంశాలను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 94905 20108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి