ఇక మొదటి నుండి ఇబ్బంది పడుతున్న మరో ఓపెనర్ వేడ్ సైతం మరో అవకాశాన్ని జారవిడుచుకున్నాడు. అయితే ఎక్కడా కూడా రన్ రేట్ డ్రాప్ అవ్వలేదు. 47 పరుగుల వద్ద 2 వ వికెట్ కోల్పోయిన సమయంలో కెప్టెన్ హర్దిక్ పాండ్య క్రీజులోకి వచ్చాడు. అయితే దూకుడుకు మరియు భారీ హిట్టింగ్ కు మారు పేరైన హార్దిక్ పాండ్య ఇన్నింగ్స్ చాలా నెమ్మదిగా సాగింది. అయితే దీనికి కారణం వికెట్లు పడిపోవడం మరియు సన్ రైజర్స్ బౌలర్లు చెలరేగడంతో నెమ్మదిగా ఆడాడు అనుకుంటే, ఆఖరి మూడు ఓవర్లలో సైతం హార్ధిక్ బ్యాట్ జులిపించకపోవడం ఆశ్చర్యాన్ని కలిగించింది. ముఖ్యంగా హార్దిక్ లాస్ట్ 5 ఓవర్ లలో తాను ఆడిన 11 బంతులలో ఒక్క బౌండరీ కూడా లేదు.
దీనిని బట్టి హార్దిక్ టీమ్ కోసం ఆడుతున్నాడా ? లేదా టీమ్ ఇండియాలో తన స్థానాన్ని మళ్లీ చేజిక్కించుకోవడానికి ఆడుతున్నాడా ? అన్నది ఇటు అభిమానులకు మరియు టీమ్ యాజమాన్యానికి అర్థం కాలేదు. ఒకవేళ హర్థిక్ ఆఖరి ఓవర్లలో మరో 20 పరుగులు చేసి ఉంటే జట్టు ఫలితం మారి ఉండేది. ఇక బౌలర్ల వైఫల్యం కూడా కారణం అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి