പ്രണയ വിലാസത്തിനു ശേഷം ഹക്കീം ക്ലബ് എഫ് എമ്മിന് നൽകിയ ഒരു അഭിമുഖത്തിൽ താൻ മുൻപ് ചെയ്ത സിനിമകളെ കുറിച്ചും തന്റെ അഭിനയ ജീവിതത്തിലേക്കുള്ള കടന്നു വരവിനെ കുറിച്ചും സംസാരിക്കുന്നതിനിടയിൽ ദുൽഖർ സൽമാൻ നായകനായ ചാർളി എന്ന ചിത്രത്തിൽ അഭിനയിച്ചതിനെ കുറിച്ച് ഹക്കീം തുറന്ന് പറയുകയാണ്.
"ദുൽഖറിന്റെ അതേ ഫിഗറും അതേ ഹൈറ്റും ഉള്ള ഒരാൾ വേണം, ഷോൾഡറിന് സജഷൻ കൊടുക്കാൻ ഒക്കെ കൃത്യമായ ഒരാൾ. ദുൽഖർ ഇല്ലാത്ത സാഹചര്യങ്ങളിൽ വണ്ടി ഓടിച്ചു പോകുന്ന സീൻ ഒക്കെ വരുമ്പോൾ ദുൽഖർ ആണെന്ന് തോന്നണം അതിനു പറ്റിയ ഒരാൾ ഞാൻ ആയിരുന്നു ഭാഗ്യം കൊണ്ട്. അങ്ങനെ ഹെൽമറ്റും വച്ച് കോസ്റ്റ്യൂംസും ഇട്ട് ഞാൻ ബൈക്ക് ഓടിച്ചു പോകുമ്പോൾ ആൾക്കാർ വിചാരിക്കും ദുൽഖർ ആണെന്ന്. കാരണം ഇതൊക്കെ വൈഡ് ഷോട്ടുകൾ ആണ്. ഇതിനൊന്നും ദുൽഖറിന്റെ ആവശ്യം ഇല്ല. അങ്ങിനെ ദുൽഖറിന് പാക്കപ്പ് ഒക്കെ പറഞ്ഞതിന് ശേഷം വരുന്ന ഇതുപോലെ ഉള്ള സീനിൽ ഒക്കെ ഞാൻ ആയിരുന്നു.
ചാർളിയിൽ ഏകദേശം 60 ഷോട്ടിൽ ഒക്കെ ഉണ്ട് ഞാൻ ഇങ്ങനെ ദുൽഖറിന് പകരം.കുതിരയുടെ കൂടെ ഓടുന്ന സീൻ ഉണ്ട്, അന്ന് ദുൽഖറിന്റെ കാൽ സ്‌പ്രെയിൻ ആയിരിക്കുവായിരുന്നു.ഓടാൻ പറ്റില്ലായിരുന്നു, കുതിരയുടെ ഒപ്പം ഓടിയെത്തണ്ടേ, രണ്ടുംകൽപ്പിച്ച് ഞാൻ ഓടി.ഫസ്റ്റ് ദുൽഖറിന്റെ ഒപ്പം ടെസ ബൈക്കിൽ വന്നിറങ്ങുന്ന സീനിൽ ഒക്കെ ദുൽഖറിന് പകരം ഞാൻ ആണ്". വീഡിയോയ്ക്ക് താഴെ നിരവധി ആരാധകരാണ് കമന്റുകൾ രേഖപ്പെടുത്തിയിരിക്കുന്നത്.അപ്പോൾ ചാർളി ഇങ്ങേരുടെ പടം ആണല്ലേ എന്നാണ് ആരാധകർ തമാശയായി പറയുന്നത്.
വേറെ ലെവൽ ആക്ടർ ആണെന്നും പ്രണയവിലാസം പൊളിച്ചു എന്നും നാളെ മച്ചാനും മറ്റൊരു അപരൻ വരട്ടെ, ഉറപ്പായും ഹക്കിം നിന്റെ ഡേറ്റ് കാത്തു മലയാളം സിനിമാ ഇൻഡസ്ട്രി നിൽക്കുന്ന കാലം ദേ അടുത്ത് വന്നിരിക്കുന്നു എന്നും ആരാധകർ പറയുന്നു. മാർട്ടിൻ പ്രക്കാട്ട് സംവിധാനം ചെയ്ത എബിസിഡിയിലാണ് ഹക്കീം ആദ്യമായി അഭിനയിക്കുന്നത്. അതിനു ശേഷം മാർട്ടിൻ പ്രക്കാട്ടിൻ്റെ തന്നെ ചാർളിയിൽ സഹ സംവിധായകനായി പ്രവർത്തിക്കുകയായിരുന്നു.
click and follow Indiaherald WhatsApp channel