ఇది కేవలం ఒక్క ఘటన కాదు. ఉల్లి ధరలు, రైతుల ఇబ్బందులు, ఉద్యోగాల భర్తీ వంటి అనేక అంశాలపై ప్రభుత్వ నిర్లక్ష్యం ఉన్నప్పుడు ముందుగా ప్రశ్నించేది సాధారణ ప్రజలే. టీడీపీ సానుభూతిపరులు, సామాన్య ప్రజలు కలసి సోషల్ మీడియాలో, జన సమావేశాల్లో ప్రభుత్వ నిర్ణయాలను బలంగా ఎదుర్కొంటున్నారు. ఇది పార్టీల ప్రతిపక్షం కాదుగానీ, ప్రజల అభిప్రాయాలే ప్రభుత్వానికి వ్య‌తిరేకంగా మారాయి. వైసీపీ మాత్రం చిన్న పిల్ల‌ల రాజ‌కీయం చేస్తోంద‌న్న విమర్శలు ఉన్నాయి. క‌నీసం ప్రెస్‌మీట్లు కూడా పెట్ట‌కుండా ప్రెస్‌నోట్లు జారీ చేస్తూ, ప్రజా సమస్యలపై కాకుండా తమ ఇమేజ్‌ కాపాడుకోవడంపైనే దృష్టి పెట్టింది. కానీ ఇదే వైఖరి ప్రభుత్వంపై వ్యతిరేకతను మరింత పెంచుతోంది.
జగన్ మోహన్ రెడ్డి ఇటీవల నర్సీపట్నం మెడికల్ కాలేజీ సందర్శన పెట్టుకోవడం కూడా రాజకీయ ప్రదర్శనగానే విమర్శలు ఎదుర్కొంటోంది. ప్రజల సమస్యలపై ఆయనకు సూటి సమాధానం లేకపోవడం, వాస్తవ పరిస్థితులను అంచనా వేయకపోవడం ఆయన నాయకత్వంపై నమ్మకాన్ని తగ్గిస్తోంది. ఈ పరిస్థితుల్లో ప్రజలే ప్రభుత్వాన్ని క్రమంగా జవాబుదారీగా మారుస్తున్నారు. సోషల్ మీడియాలో ఒక్క సమస్య వెలుగులోకి వస్తే, వెంటనే ప్రజా ప్రతిస్పందన చెలరేగుతోంది. ప్రభుత్వం కూడా ఆ ఒత్తిడికి లోనై నిర్ణయాలు తీసుకుంటోంది. ఏదేమైనా ఏపీలో ప్రతిపక్షం కంటే ప్రజా ప్ర‌తిప‌క్ష‌మే ఇప్పుడు హైలెట్ అవుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి