యాప్‌ఫిగర్స్, సిమిలర్‌వెబ్ వంటి ప్రముఖ అనలిటిక్స్ సంస్థలు విడుదల చేసిన లెక్కలు చూస్తే మైండ్ బ్లాక్ అవ్వాల్సిందే. గడిచిన నెల రోజుల్లో ప్రపంచవ్యాప్తంగా యాప్ స్టోర్‌లో అత్యధిక డౌన్‌లోడ్లు సాధించిన యాప్‌గా చాట్‌జీపీటీ రికార్డు సృష్టించింది. అసలు సిసలైన మ్యాటర్ ఏంటంటే, ఒక్క చాట్‌జీపీటీ డౌన్‌లోడ్ల సంఖ్య... టిక్‌టాక్, ఇన్‌స్టాగ్రామ్, ఫేస్‌బుక్, ఎక్స్ అన్నీ కలిపినా కూడా ఎక్కువ. ఒక్క AI చాట్‌బాట్ ముందు సోషల్ మీడియా దిగ్గజాలన్నీ చిన్నబోయాయంటే పరిస్థితి అర్థం చేసుకోవచ్చు.
ఈ ప్రభంజనం మన దేశంపైనా బలంగానే వీస్తోంది. ఇండియాలోనూ చాట్‌జీపీటీ డౌన్‌లోడ్ల వర్షం కురిపిస్తోంది. మన ప్లే స్టోర్‌లో చూసుకుంటే కుకు ఎఫ్‌ఎమ్, మీషో, స్నాప్‌చాట్ వంటి పాపులర్ యాప్‌లను వెనక్కి నెట్టి మరీ నంబర్ 1 స్థానాన్ని కైవసం చేసుకుంది. పాత ఆలోచనలు, పాత యాప్‌ల హవాకు కాలం చెల్లిందని చెప్పడానికి ఇంతకంటే నిదర్శనం ఏముంటుంది.
ఈ పోటీలో గూగుల్ తన జెమినీ ఏఐతో చాట్‌జీపీటీకి గట్టి పోటీ ఇవ్వాలని చూస్తోంది. ఆండ్రాయిడ్ డౌన్‌లోడ్లలో జెమినీ కాస్త పోటీ ఇస్తున్నా, మొత్తం యూజర్ల సంఖ్యలో మాత్రం చాట్‌జీపీటీ ఆడిందే ఆట పాడిందే పాటగా సాగుతోంది. ఇటీవలి నివేదికల ప్రకారం, చాట్‌జీపీటీకి ఏకంగా 60 కోట్ల మంది నెలవారీ యాక్టివ్ యూజర్లు ఉంటే, జెమినీకి కేవలం 35 కోట్ల మందే ఉన్నారు. అంటే దాదాపు రెట్టింపు ఆధిక్యంతో చాట్‌జీపీటీ తన సత్తా చాటుతోంది.
ఇది కేవలం ఒక యాప్ విజయం కాదు. టెక్నాలజీ గమనాన్ని మార్చేస్తున్న సరికొత్త AI విప్లవానికి ఇది ఆరంభం మాత్రమే. సోషల్ మీడియా యుగం నుంచి మనం వేగంగా ఆర్టిఫిషియల్ ఇంటెలిజెన్స్ యుగంలోకి అడుగుపెట్టేశామని చెప్పడానికి ఇంతకంటే పెద్ద రుజువు అవసరం లేదు. భవిష్యత్తు మొత్తం ఏఐదే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి