అమరావతి నిర్మాణం కేంద్రం బాధ్యత అని షర్మిలా స్పష్టం చేశారు. రాజధాని నిర్మాణానికి బేషరతుగా మూడేళ్లలో రూ.1.50 లక్షల కోట్లు కేటాయించాలని, ఈ ప్రకటనను మోదీ స్వయంగా చేయాలని కోరారు. రాష్ట్రంపై అప్పుల భారం మోపడం, భావితరాలను ఆర్థిక సంక్షోభంలోకి నెట్టడం సరికాదని హెచ్చరించారు. అమరావతికి చట్టబద్ధత కల్పించాలని, గత పదేళ్లుగా అమలుకాని విభజన హామీలపై స్పష్టమైన వివరణ ఇవ్వాలని ఆమె ఆంధ్రప్రదేశ్ కాంగ్రెస్ తరఫున డిమాండ్ చేశారు.
గతంలో మోదీ అమరావతి హామీలను నీరుగార్చారని షర్మిలా ఆరోపించారు. రాజధాని కోసం ప్రజల ఆశలను తాకట్టు పెట్టి, మట్టి తెచ్చి నోట్లో కొట్టారని విమర్శించారు. ఈసారి అమరావతి నిర్మాణం పూర్తవుతుందా లేక మళ్లీ మట్టిగానే మిగులుతుందా అని ప్రశ్నించారు. ఢిల్లీని మించిన రాజధాని నిర్మిస్తానని మోదీ రాసి సంతకం చేయాలని సవాలు విసిరారు. ఈ నిర్ణయం రాష్ట్ర ప్రజల ఆకాంక్షలను నెరవేర్చేందుకు కీలకమని ఆమె ఉద్ఘాటించారు.
ఆంధ్రప్రదేశ్ కాంగ్రెస్ పార్టీ రాజధాని అభివృద్ధికి కేంద్రం పూర్తి బాధ్యత వహించాలని ఒత్తిడి తెస్తోంది. విభజన చట్టంలో పేర్కొన్న హామీలను అమలు చేయడంలో కేంద్రం విఫలమైందని షర్మిలా ఆరోపించారు. అమరావతిని ప్రపంచ స్థాయి రాజధానిగా తీర్చిదిద్దేందుకు నిధులు, చట్టబద్ధత కల్పించాలని కోరారు. రాష్ట్ర ప్రజలకు న్యాయం చేసేందుకు మోదీ నిజాయతీతో ముందుకు రావాలని, ఈ సభలో ఆయన చేసే ప్రకటనలు రాష్ట్ర భవిష్యత్తును నిర్ణయిస్తాయని ఆమె హెచ్చరించారు.
వాట్సాప్ నెంబర్ 94905 20108 కు మీ జిల్లాలో రాజ‌కీయ, సామాజిక స‌మ‌స్య‌లు వివ‌రాలు పంపండి..
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్రజల స‌మ‌స్య‌లు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ సమస్య లేదా మీరు చెప్పే విషయం ఏదైనా క్లుప్తంగా 94905 20108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి