జొన్న మన సంప్రదాయ ధాన్యాల్లో ముఖ్యమైనది. చాలా కాలంగా గ్రామీణ ప్రాంతాల్లో జొన్న రొట్టెలు, జొన్న కంబులు వంటివి ప్రధాన ఆహారంగా వాడుతున్నారు. ఇప్పుడు ఆధునిక జీవనశైలిలో ఆరోగ్యంపై మరింత చైతన్యం వచ్చిన తర్వాత, మళ్లీ జొన్నల వైపు ప్రజలు మొగ్గు చూపుతున్నారు. జొన్నల్లో పుష్కలమైన పోషకాలు ఉండటంతో ఇవి ఆరోగ్యానికి ఎంతో మేలు చేస్తాయి. క్రమంగా రోజూ ఆహారంలో జొన్నలను చేర్చుకుంటే చాలా ఆరోగ్య ప్రయోజనాలు పొందవచ్చు. ఫైబర్, ప్రొటీన్లు, మ్యాగ్నీషియం, పాస్ఫరస్, ఐరన్, విటమిన్ B1 థయామిన్, B3 నియాసిన్, యాంటీ ఆక్సిడెంట్లు, బరువు తగ్గే వారికీ అద్భుతమైన ఆహారం.

జొన్నల్లో ఉన్న అధిక ఫైబర్ శరీరానికి త్వరగా నిండిన భావనను ఇస్తుంది. జొన్నల జీవాయిష్ట తత్వం మెటబాలిజం పెంచుతుంది, దీన్ని వల్ల శరీరంలో కొవ్వు త్వరగా కరుగుతుంది. జొన్నల్లో గ్లైసెమిక్ ఇండెక్స్ తక్కువగా ఉంటుంది. క్రమంగా శరీరంలో గ్లూకోజ్ విడుదల చేస్తుంది. ఇది రక్తంలో షుగర్ లెవల్స్‌ను అదుపులో ఉంచుతుంది. జొన్నల్లో ఉండే ఫైబర్, యాంటీ ఆక్సిడెంట్లు బాడీలోని చెడు కొలెస్ట్రాల్ (LDL) ను తగ్గించి, హృదయ సంబంధిత వ్యాధులను నివారిస్తాయి. మెగ్నీషియం బ్లడ్ ప్రెజర్ కంట్రోల్‌కి ఉపయోగపడుతుంది. జొన్నలో అధికంగా ఉండే డైటరీ ఫైబర్ జీర్ణవ్యవస్థను శుభ్రపరుస్తుంది. గ్యాస్, మంట, అజీర్ణం వంటి సమస్యల నుంచి ఉపశమనం పొందవచ్చు.

జొన్నలో ఐరన్ శాతం బాగా ఉంటుంది. ఇది హిమోగ్లోబిన్ పెరిగేందుకు సహాయపడుతుంది. ముఖ్యంగా మహిళలకు మరియు గర్భిణీ స్త్రీలకు ఇది మంచి ఆహార ఎంపిక. జొన్నలలో కార్బొహైడ్రేట్లు సమృద్ధిగా ఉండటంతో శరీరానికి అవసరమైన శక్తిని ఇస్తుంది. ఇవి నెమ్మదిగా జీర్ణమవుతాయి కనుక చాలా సేపు ఎనర్జీ లెవెల్ నిలిచి ఉంటుంది. యాంటీ ఆక్సిడెంట్లు కణాలను రక్షిస్తాయి. జొన్నలో కాల్షియం, ఫాస్ఫరస్, మాగ్నీషియం వంటి ఖనిజాలు బలమైన ఎముకల కోసం అవసరం. వృద్ధాప్యంలో ఎముకలు బలహీనపడకుండా నివారించవచ్చు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

consuming Benefits sorghum daily diet

lakhmi saranya

10/07/2025 06:11 PM