కాస్త విరామం తర్వాత తారాగణంతో రెండో షెడ్యూల్ ని వైజాగ్ లో నిర్వహించబోతున్నది చిత్ర బృందం. ఈ సినిమాలో వెంకి పక్కన హీరోయిన్గా శ్రద్ధ శ్రీనాథ్ నటిస్తున్నది. ఈ క్రమంలోనే చిత్ర బృందం హీరోయిన్ పాత్రను పరిచయం చేయడం జరిగింది.ఇందులో ఈమె మనోజ్ఞ గా కనిపించబోతున్నట్లు తెలుస్తోంది. చీర కట్టుకొని శూన్యంలోకి తొంగి చూస్తూ శ్రద్ధ శ్రీనాథ్ దేని గురించో చాలా సీరియస్ గా ఆలోచిస్తున్నట్టుగా ఈ పోస్టర్ కనిపిస్తోంది. చేతిలో మూత తెరిచి ఉన్న లంచ్ బాక్స్ పట్టుకొని కారులో కూర్చొని ఆలోచిస్తున్నట్లుగా తెలుస్తోంది.ఇందులో శ్రద్ధ చాలా అందంగా కనిపిస్తోంది. అయితే ఇప్పటివరకు శ్రద్ధా కు వచ్చిన క్యారెక్టర్లలో ఈ సినిమా బెస్ట్ అన్నట్లుగా అభిమానులు భావిస్తున్నారు.. జెర్సీ సినిమాలో లాగానే ఈ సినిమాలో కూడా ఈమెకు కలిసొస్తుందని భావిస్తూ ఉన్నారు. బాలీవుడ్ నటుడు నవాజుద్దీన్ సిద్ధికి మొదటిసారిగా తెలుగు సినీ పరిశ్రమలోకి అడుగుపెడుతున్నారు. ఈ చిత్రంలో ప్రతి పాత్రకు కూడా ఒక ప్రత్యేకమైన స్థానం ఉందని చిత్ర బృందం తెలియజేస్తోంది. సైందవ్ సినిమా మొత్తం మెడికల్ మాఫియా బ్యాక్ డ్రాప్ లోనే ఉండబోతుందని వార్తలు గడిచిన కొద్దిరోజుల నుంచి వినిపిస్తూ ఉన్నాయి. ఈ చిత్రం తెలుగుతో పాటు తమిళ్ ,కన్నడ ,మలయాళం, హిందీ వంటి భాషలలో క్రిస్మస్ పండుగ సందర్భంగా ఈ ఏడాది డిసెంబర్ 22న విడుదల కాబోతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి