తెల్లవారుజామున మూడు గంటల నుంచి 4 గంటల మధ్య బంగాళాఖాతంలో ఏర్పడిన వాయుగుండం తీరం దాటినట్లు వాతావరణ శాఖ అధికారులు తెలిపారు. అయితే ఇక ఈ వాయుగుండం ప్రభావంతో ఈ రోజు రాయలసీమతో పాటు దక్షిణ కోస్తా జిల్లాల్లో భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ అధికారులు హెచ్చరించారు. ఈ క్రమంలోనే ప్రజలందరూ అప్రమత్తంగా ఉండాలని అధికారులు సూచించారు. ముఖ్యంగా తీరం వెంబడి 45 నుంచి 55 కిలోమీటర్ల వేగంతో గాలులు వీస్తాయని మత్స్యకారులు ఎవరు కూడా చేపల వేటకు వెళ్లవద్దని వాతావరణ శాఖ అధికారులు తెలియజేశారు.
ఈ క్రమంలోనే ఇక ప్రజలకు సహాయక చర్యలు అందించేందుకు అధికారులు ఎప్పటికప్పుడు అప్రమత్తంగా ఉండాలని నిర్వహణ శాఖ మంత్రి కన్నబాబు ఆదేశాలు జారీ చేశారు. సహాయ చర్యల కోసం చిత్తూరు కడప నెల్లూరు లకు ఎన్ డి ఆర్ ఎఫ్..ఎస్ టి ఆర్ ఎఫ్ బృందాలు చేరుకుని సహాయక చర్యలు చేపట్టడం మొదలుపెట్టారు. ఇక మరో 24 గంటల పాటు వర్షాలు కురిసే అవకాశం ఉందని వాతావరణ శాఖ అధికారులు హెచ్చరించడంతో లోతట్టు ప్రాంతాల్లో ఉన్న ప్రజలందరూ అప్రమత్తంగా ఉండాలని సూచించారు విపత్తుల శాఖ మంత్రి కన్నబాబు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి