ఆంధ్రప్రదేశ్ శ్రీకాకుళంలోని పలాస లోని కాశీబుగ్గ వెంకటేశ్వర స్వామి ఆలయంలో జరిగిన తొక్కిసలాట దేశవ్యాప్తంగా కన్నీళ్లు పెట్టిస్తోంది.. ఇప్పటికే ఈ తొక్కిసలాట లో పదిమంది చనిపోయారు.దీంతో తొక్కిసలాటలో చనిపోయిన మృతదేహాల ముందు కుటుంబ సభ్యుల కన్నీరు మున్నీరు అవుతున్నారు. ఈ వీడియోలు చూసి ఎంతోమంది చలించిపోతున్నారు. అయితే పలాసలో కాశీ బుగ్గ వెంకటేశ్వర స్వామి ఆలయంలో జరిగిన ఈ తొక్కిసలాటకి ప్రధాన కారణం సోషల్ మీడియానే అంటూ ఒక సంచలన నిజం వెలుగులోకి వచ్చింది . మరి సోషల్ మీడియా వల్ల కాశీబుగ్గలో తొక్కిసలాట  ఎందుకు జరిగింది అనేది ఇప్పుడు చూద్దాం.. ఈ మధ్యకాలంలో ఏదైనా కొత్త వింత ఉంటే కచ్చితంగా దాన్ని సోషల్ మీడియాలో ప్రచారం చేస్తున్నారు.అంతేకాదు ఇటీవల కాలంలో ఎక్కడైనా కొత్త ఆలయాలు నిర్మిస్తే చాలు అక్కడికి భక్తులు పోటెత్తుతున్నారు.

 ముఖ్యంగా అక్కడికి వెళ్లి ఈ గుడి స్పెషలిటీ ఇది అని, ఇక్కడికి వస్తే ఆ కోరిక నెరవేరుతుంది ఈ కోరిక నెరవేరుతుంది అంటూ కొంతమంది ఇన్ఫ్లుయెన్సర్లు సోషల్ మీడియా ద్వారా తెగ ప్రచారం చేస్తున్నారు. అలా ఫేస్బుక్, ఇన్స్టాగ్రామ్, వాట్సాప్ ఇలా ప్రతి ఒక్క సోషల్ మీడియా ఆయుధాన్ని వాడుకుంటూ ఆలయాలకు సంబంధించిన ప్రాముఖ్యతను తెలుపుతూ ఎన్నో వీడియోలు పోస్ట్ చేస్తున్నారు.అయితే ఈ వీడియోలు చూసిన చాలామంది నిజంగానే ఆలయంలో అలాంటి శక్తి ఉంది కావచ్చు కోరిన కోరికలు నెరవేరుతాయి కావచ్చు అని ఆలయాలకు వెళ్లి దేవుళ్లను దర్శించుకొని కోరికలు కోరుకుంటున్నారు. ఈ నేపథ్యంలోనే ఈరోజు పవిత్ర ఏకాదశి కావడంతో ఏపీలోని శ్రీకాకుళం కాశీబుగ్గ వెంకటేశ్వర ఆలయానికి చాలామంది భక్తులు పోటెత్తారు. అయితే ఈ ఆలయ సామర్థ్యం కేవలం రెండు మూడు వేల మందికి మాత్రమే.

 కానీ ఈరోజు ఏకాదశి కారణంగా 25 వేల మంది రావడంతో ఈ ఘటన జరిగింది. అయితే కార్తీక మాసం కావడం అందులోనూ పవిత్ర ఏకాదశి కావడంతో ఇక్కడికి వేలాది మంది భక్తులు తరలివచ్చారు.అలా ఈ తొక్కిసలాట జరిగింది.ఇక సోషల్ మీడియా కూడా  పరోక్ష కారణం అంటూ కొంతమంది కామెంట్లు పెడుతున్నారు. అయితే దీనిపై స్పందించిన దేవాదాయ శాఖ అది ప్రైవేట్ గుడి అని, అది ప్రభుత్వ ఆధీనంలో లేదు అని నిర్వాహకుల వైఫల్యం వల్లే ఈ తొక్కిసలాట జరిగింది అంటూ తెలిపారు.అలాగే ప్రభుత్వానికి ఎలాంటి సమాచారం కూడా ఇవ్వకుండా ప్రైవేటుగా చేసుకున్నారని తెలిపారు. ఇక ఇప్పటికే ఈ తొక్కిసలాట ఘటన పట్ల ప్రధాని మోదీ స్పందించారు. చనిపోయిన బాధిత కుటుంబాలకు రెండు లక్షల ఎక్స్గ్రేషియా, క్షత గాత్రులకు 50 వేలు ఎక్స్గ్రేషియా  ప్రకటించడంతోపాటు చనిపోయిన వారికి సంతాపం ప్రకటించారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

SRIKAKULAM PALASA KASHIBUGGA STAMPEDE SOCIAL MEDIA KASHIBUGGA VENKATESHWARA SWAMY TEMPLE EKADASHI

Pandrala Sravanthi

01/11/2025 04:29 PM