ఈ విధంగా ఎన్నో కార్యాలు జరుగుతున్నా దేవునికి మనం పుట్టు వెంట్రుకలు ఎందుకు ఇస్తామని విషయం మీకు అందరికీ తెలియకపోవచ్చు. దీనికి గల కారణాలను ఒకసారి చూస్తే...వాస్తవంగా చూస్తే దేవునికి తల నీలాలను ఇవ్వడం అనేది పూర్వం నుండి వస్తున్న గొప్ప సంప్రదాయం. తిరుమల దేవునికి కల్యాణ కట్టలో భక్తులు తల వెంట్రుకలను సమ్పరిస్తారు. మన తల వెంట్రుకలను మన పెద్ద వారు పాపాలకు ప్రతిరూపాలుగా చెప్పేవారు, కాబట్టి తల నీలాలను ఇవ్వడం ద్వారా మన పాపాలను పోగొట్టుకోవడమే అంటున్నారు. గర్భంలో వున్న శిశువు తన తల ద్వారా భూమిపైకి వస్తాడు.
శిశువుకున్న తల వెంట్రుకల్లో పూర్వజన్మకు సంబంధించిన అనేక విషయ వాసన వలన పాపాలు అనేవి తల జుట్టుకు అట్టిపెట్టుకుని వుంటాయి. కాబట్టి చిన్న వయసులోనే వారికి కేశ ఖండన కార్యక్రమాన్ని జరుపుతారు. శిశువు పుట్టిన సంవత్సరంలోపు మొట్ట మొదటి సారిగా పుట్టు వెంట్రుకలు దేవునికి సమర్పిస్తాము. మనము మన జన్మకు కారణమయిన భగవంతునికి శిరస్సును అర్పించడం వీలు పడదు కాబట్టి, శిరోజాలను ఇస్తామని కూడా చెబుతూ ఉంటారు. శిశువు జాతక బలంం ఆధారంగా శాస్త్ర సూచిత నియమాలకు అనుగుణంగా సరైన ముహూర్తం ఎప్పుడు వస్తుందో అప్పుడే చేయాలి.