ఎంత స్టార్ ప్లేయర్ అయితే మాత్రం తనని తాను కంట్రోల్ చేసుకోవాలి కదా అంటూ సోషల్ మీడియా వేదికగా ఎన్నో కామెంట్లు కూడా పెట్టారు. ఇలా మెద్వదేవ్ అంపైర్ పై బూతుపురాణం వదలడం సంచలనం గానే మారిపోయింది అని చెప్పాలి. ఇక క్రీడా స్పూర్తికి విరుద్ధంగా డానిల్ మెద్వదేవ్ వ్యవహరించడంపై ఎంతోమంది ఆగ్రహం వ్యక్తం చేయగా.. అంపైర్ పై అనుచిత వ్యాఖ్యలు చేసినందుకు గాను భారీ జరిమానా విధించారు టోర్నీ నిర్వాహకులు. క్రీడ స్ఫూర్తికి విరుద్ధంగా అతడు ప్రవర్తించాడని ఆరోపిస్తూ ఏకంగా 12 వేల యూఎస్ డాలర్లు జరిమానా విధిస్తున్నట్లు పేర్కొన్నారు నిర్వాహకులు.
కాగా కీలకమైన సెమీస్ మ్యాచ్లో ప్రత్యర్థి ఆటగాడు రూల్స్ కి విరుద్ధంగా స్టాండ్స్ లో ఉన్న తన తండ్రి నుంచి కొన్ని సలహాలు తీసుకున్నాడు. ఇక ఇదే విషయాన్ని గమనించి ఎంపైర్ దగ్గరికి వెళ్ళాడు డానీల్ మెద్వదేవ్. నువ్వు ఏమైనా స్టుపిడ్ వా.. అతను తండ్రి దగ్గర నుంచి సలహాలు తీసుకుని రూల్స్ బ్రేక్ చేస్తుంటే చూస్తూ ఊరుకున్నావ్.. నాతో మాట్లాడు నీకు వినిపిస్తుందా లేదా నీలాంటి చెత్త అంపైర్ ను ఇప్పటి వరకు చూడలేదు అంటూ అనుచిత వ్యాఖ్యలు చేసాడు. అయితే మ్యాచ్ అనంతరం రియలైజ్ అయిన డానీల్ మెద్వదేవ్ అంపైర్ దగ్గరికి వచ్చి క్షమాపణ కోరాడు అయినప్పటికి నిర్వాహకులు మాత్రం అతనిపై చర్యలు తీసుకునేందుకు సిద్ధమైనట్లు తెలుస్తోంది. కీలకమైన సెమీస్ మ్యాచ్లో మెద్వదేవ్ విజయం సాధించడం గమనార్హం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి