తొలి వన్డే మ్యాచ్లో 53 బంతుల్లో 64 పరుగులు.. ఇక రెండో వన్డే మ్యాచ్లో 49 బంతుల్లో 43 పరుగులు చేసి టీమిండియా విజయంలో తన వంతు పాత్ర పోషించాడు అని చెప్పడంలో అతిశయోక్తి లేదు. అయితే ఆరంభం చేసిన శుభ మన్ గిల్ వాటిని భారీ స్కోర్లు గా మార్చడంలో మాత్రం విఫలమయ్యాడు. కాగా ఇటీవలే శుభ మన్ గిల్ ప్రదర్శనపై పాకిస్థాన్ మాజీ క్రికెటర్ సల్మాన్ బట్ స్పందిస్తూ ఆసక్తికర వ్యాఖ్యలు చేశాడు. వెస్టిండీస్ పర్యటనలో శుభ మన్ గిల్ ఎంతో బాగా ఆడాడు. అతనిలో టాలెంటు ఉంది. అయితే దాన్ని సరిగా వాడుకోవడమే అతనికి ఇంకా తెలియడం లేదు అంటూ చెప్పుకొచ్చాడు.
మంచి ఆరంభం దొరికిన సమయంలో శుభ మన్ గిల్ తప్పకుండా సెంచరీ చేస్తాడు అని భావించాను. క్రీజులో అతడు బాగా సెట్ అయ్యాడు అని అనుకుంటున్న సమయంలో చివరికి వికెట్ కోల్పోయి నిరాశపరిచాడు. అయితే మంచి స్టార్ట్ చేయడమే కాదు వాటిని భారీ స్కోర్లు గా మలచడం కూడా తెలియాలి. అయితే దానికి కాస్త సమయం పడుతుంది. అనుభవం అన్ని పాఠాలు నేర్పిస్తుంది అంటూ పాకిస్థాన్ మాజీ క్రికెటర్ సల్మాన్ భట్ చెప్పుకొచ్చాడు. అదే సమయంలో ఇక సూర్యకుమార్ యాదవ్ ఫామ్ గురించి ఆందోళన చెందాల్సిన అవసరం లేదు అంటూ చెప్పుకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి