కేవలం 8 పరుగుల దూరంలో సెంచరీకి చేరువ కాలేకపోయాడు శుభమన్ గిల్. వికెట్ చేజార్చుకునీ సెంచరీ అవకాశాన్ని తృటిలో కోల్పోయాడు. చాలాకాలంగా శుభమన్ గిల్ 90 పరుగులు ఎంతో సునాయాసంగా చేస్తూ ఉన్నప్పటికీ 90పరుగుల వద్ద తీవ్ర ఒత్తిడి కారణంగా వికెట్ కోల్పోతున్నాడు. దీంతో అతనికి నైంటీస్ ఫోబియా ఉంది అంటూ ఎంతోమంది కామెంట్ చేయడం కూడా చూశాము. ఈమధ్య జింబాబ్వేతో జరిగిన వన్డే సిరీస్ లో కూడా తొలిసారి 90 పరుగులు చేసిన శుభమన్ గిల్ సెంచరీ మార్క్ మాత్రం అందుకోలేకపోయాడు.
కాగా ఇటీవలే కౌంటీ క్రికెట్ లో భాగంగా 148 బంతుల్లో 8 ఫోర్లు ఒక సిక్సర్ సహాయంతో 92 పరుగులు చేశాడు శుభమన్ గిల్. ఇక వికెట్-కీపర్ కుక్ 51 నాటౌట్ గా నిలిచాడు. ఎడ్ వార్డ్ బైరోమ్ 67 పరుగులు చేశాడు. ఈ ముగ్గురు మినహా మిగతా అందరు విఫలమయ్యారు అని చెప్పాలి. దీంతో గ్లామోర్గాన్ జట్టు తొలి ఇన్నింగ్స్లో 295 పరుగులకు ఆలౌట్ అయింది. ఏది ఏమైనా మరోసారి శుభమన్ గిల్ 90 పరుగుల వద్ద వికెట్లు కోల్పోవడం.. అది కూడా పుట్టినరోజు నాడే ఇలా జరగడం తెలిసిన అభిమానులు కాస్త నిరాశ లో మునిగిపోయారు అని చెప్పాలి. సెప్టెంబర్ 8, 1999లో శుభమన్ గిల్ జన్మించాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి